آدم .. شخص كان يعيش في بيت بحالة متوسطة ..
ينام .. يصحى .. بروتين العمل كاأي انسان عادي ..
بس شغله .. شوي فيه خطر .. يشتغل بحفر الباطن ..
اماكن الحفر والانابيب .. ياما فقد اصحاب له .. كان كلما يصاحب صديق له بالعمل ..
شهر او شهرين بالكثير .. ويموتون .. اما في العمل نفسه .. او بحوادث سيارة ..
فصار ابدا ما يعطي مجال لأي شخص انه يكون صديق له .. اجتاحته نوبة صمت في العمل ..
يدخل العمل بصمت .. ويطلع منه بصمت اكثر ..
وصلت لأهله رسالة بالتغيرات النفسية اللي صابت آدم ..
اهله استمروا معه تقريبا لمدة 6 اشهر يحاولون تغيرره .. ولكن كلما له ويزيد بالسوء في حالته النفسية ..
قابل خطيبته شجن .. بنت تصغره ب 5 سنوات .. عمرها 19 سنة ..
قبلت به رغم حالته النفسية .. صارت كلما تقابله تشوفه صامت ..
قررت انها يوم تضربه بالصميم .. ماتدري ليه حست بغباء كبير وقالت :
_ تستحي مني ؟؟؟
آدم وقتها كان متوتر .. لأن عنده عقدة من نفسية .. ان كل شخص متعلق فيه كصاحب او صديق ممكن يموت بسببه .. حس انه لعنة او رجل نحس .. لما شافها استهبلت واجد وقالت تستحي مني ..
ضحك عليها .. ابتسمت لانها علامة خير له .. وانها قدرت تصيد منه الشيء البسيط ..
يوم عن يوم آدم بدأ يتغير ..
واهله صاروا ممنونين لشجن ..
يعني تفوقت حتى على الدكاترة اللي عجزوا انهم يفهموا وش اللي فيه غير ردة فعل عنيفة نتيجة لموت اصحابه لفترات متتالية .. محد يلوم آدم .. الكل مؤمن بأن اللي صار قضاء وقدر من الله تعالى .. ولكن هو انسان .. والانسان بحد ذاته ممكن يخطأ بسبب شيطان .. فكان احدى الرهائن ..
تعلق في شجن .. اصبحت روووحه ..
وكل مايملك ..
تزوج شجن .. جاب طفل وسماه بإسم اول صديق توفى له .. بأسم حسام ..
يوم من الايام .. طلع من شقته من الرياض وتوجه لحفر الباطن .. مكان شغله ..
صار يسوق .. ومر على مناطق كثير كان يشتغل فيها وهالاماكن ماتوا فيها ربعه ..
صار مشغول بالطريق .. مشغول بالعالم اللي يطااااااالع فيه بصدمة ..
الى ان واجه امامه شاااااااحنة .. آخر ماشافه منها اضوائها القوية ..
بعدها .. انتقل لعالم اخر .. تأكد مية بالمية انه ميت ..
نفس العالم اللي عايش فيه .. مع نفس الناس .. صار يشوف شيء غريب بالعالم اللي انتقل به ..
انه لازال يمشي بالطريق بنفس السيارة .. لمح واحد من اصحابه اللي ماتوا ..
ونزل من سيارته ماشي للمكان نفسه .. من صاحب من اصحابه .. الى ان شاف كل اصحابه اللي ماتوا .. بنفس وضعية موتهم ولكن احياء ..
صار يتكلم معهم ويقول : انا ميت ؟؟؟؟ حسااام انا ميت ولا ايششش !!!
محد يرد عليه .. احياء .. اموات .. الله اعلم ..
ولكن الحلم له تفسير ..
صار حوالي 4 ايام يشوف نفس اللي يشوفه كل يوم ..
بالنهاية حس بصدره يرتفع وينزل بشكل غريب ...
وفجأأأأأأأأأأأأأأأأأأة !!
ضوء قوووي يتوجه على عيونه وهو يسمع : حالة المريض .. مستقرة .. النتيجة .. نجاة من الموت .. مدة توقف النبض .. 3 دقائق .. الحالة .. المريض حي يرزق عن طريق صعقات كهربائية مترددة ..
الوجوه .. مموهة .. بس الظاهر ان فعلا الآن ميت ..
رجع غمض عيونه وماشاف الا الظلام ..
بعد 4 ساعات .. سمع صوت غريب ..
دخل الدكتور ومعه رجال ثاني ..
الرجال الثاني همس :
_ الحمدلله ع السلامة ياولدي .. اعذرني والله كنت بمشي بروح لولدي بقبره .. ومعي اغراض احملها ومالقيتك الا قدامي .. مااتشوووف شر..
لازال مو فاههم شيء .. كمل الدكتور وهو يقول :
_ ابو حسام ما رضى يفارقك الا لما تأكد انك صحيت ..
لازال مو فاهم شيء .. اعطوه جرعة دواء ..
وطلع الدكتور .. همس بوو حسام :
_ كم عمرك ؟
آدم بتعب همس :
_ كيف جيت هنا .. اصلا انا وش صار لي ؟؟
بو حسام :
_ كنت تمشي بسيارتك وصابك حادث .. الاطباء مالقوا ولا كسر في عظاااامك .. ولا حتى جروح .. ولكن كنت ميت سريرا .. دخلت بغيبوبة لمدة اسبوع كامل .. والبارح توقف قلبك 3 دققايق .. وبواسطة الشحن الكهربائي .. رجع قلبك ينبض ..
آدم بتفكير :
يعني كنت ميت لمدة 3 دقايق .؟؟؟
هز راسه بو حسام بـ تأييد ..
همس آدم :
_ كم عمر ولدك اللي مات ؟؟
بو حسام :
لو انه عايش كان وصل ل 28 بس مات وهو عمره 24 في حفر الباطن ؟؟
آدم امتلا وجهه بمعالم الصدمة :
_ حساااام الـ ..........
هز راسه بـ إيه ..
تذكر يوم يشوف حسام بغيبوبته ..
تذكر ان حسام جى له يزوره في منامه .. والله بحكمته ربط بين حسام الميت .. وابوه الحي .. بين منام وواقع .. مايدري ليه حس ان وقت صار الحادث بين آدم وبو حسام .. حسام كان موجود ..
وتذكر بأنه اللي سواه قبل فترة باعتقاده بأن نحس .. كان خطأ تجاه ربه ونفسه وكل اللي حوله .. وان اللي يصير تجاهنا بحياتنا اليومية قضاء وقدر ..