وشلون ماأحبك ولا عدت مغليك
وأنت الدوا لأنسان دونك يعاني
وشلون رحت وكل صوتي يناديك
ياهيه أسمعني ترى العمر فاني
ماقلت لك من قبل ماني مخليك
ياكيف تنساني وقلبك نساني
كتبت لك في صدر الأيام أبغيك
وكتبت لي_خلاص غيرك خذاني
حتى جدار الصمت لو ألتفت فيك
بكيت من صمته وضيق الثواني
عشقت كل لحظات عمرك وماضيك
ومعك عرفت أن الأماني أماني
وسويت لك في داخلي شي يرضيك
وأن كان مايرضيك ؟ سويت ثاني
نزعت فرحت خاطري ليت تكفيك
وزرعتها في داخلك ماكفاني
ضحكت لك وأنا من الحزن أسليك
وحبست دمعي لجل أقدم حناني
وصديت وقت الضيق ماآبيك ماآبيك
وتشوفني أضحك وأنا اللي أعاني
ياهالزمن تكفى طلبتك وراجيك
لاتبخل بوصل الحبيب الأناني
قد قلت لك ماأقدر أفارق وأخليك
وقد قلت لك هالبعد ياما كواني
لكن حسافه كل صوتن يطريك
ياما مع نفسي ذكرتك أغاني
بأيديك كل اللي حصل أيه بأيديك
بديت أحسك شي خارج زماني
ودامك زرعت انسان غيري بأراضيك
فأنا مااحب يكون غيري مكاني
بتغيب؟؟ غيب!!ولكن أسمع محاكيك
قبل السفن تنوي بهجر المواني
في خاطري كلمه ويمكن تبكيك
أبيك تسمعها دقايق عشاني
لو الزمن معطيك ماهو بمعطيك
شخصن يحطك بين عوج المحاني
ساعد في نشر والارتقاء بنا عبر مشاركة رأيك في الفيس بوك
,ag,k lhHpf;
,ag,k lhHpf; ,ag,k lhHpf;