ازيكم يا أحلى امهات واللى معندهاش ربنا يكرمها ان شاء الله اكيد كلنا طول اليوم زعيق وضرب وتهديد ووعيد وبرضه مش بيجيب فايده انا عن نفسى ضد الضرب خالص لان الضرب هيخليهم يعاندوا خالص ميسمعوش الكلام طب اييييييييييييييه الحل ركزوا معايا انا جبت ورقه حلوه وشيك وعلقتها عالتلاجه وكتبت اسماء عيالى مثلا ناحيه اليمين الاسم الاول الناحيه الشمال الاسم التانى واى واحد يعمل حاجه كويسه او رتب حاجه اعمل تحت اسمه علامه صح واللى يعمل تصرف وحش او اتخانق مع اخوه او اخته او مسمعش الكلام احط تحت اسمه علامه غلط طب ولو بعدين اتحسن وسمع الكلام يبقى نمسح علامه غلط ونحط مكانها صح طب المقابل ايه هنجيب اللى هما بيحبوه مثلا علبه شوكولاته او اى حاجه تانيه كل واحده ادرى بعيالها وكل فتره نديهم كمكافأه على تصرفهم الكويس فى البيت بس المهم اللى يغلط نفهمه الغلط اللى هو عمله وبعدين نفهمه الصح ايه مش نضرب ولا نشتم وخلاص لأ لازم نفهمهم كويس معلش هنتعب شويه بالاسلوب ده بس لو عملنا كده هيبقوا فاهمين الصح
ساعد في نشر والارتقاء بنا عبر مشاركة رأيك في الفيس بوك
« آخـــر الـــمـــشـــاركــــات »
24-08-2013
