2فنجان قهوة حليب بودر ملعقة كبيره خميرة فوريه ملعقة صغيره Bp نص كاس زيت كأسين مويه
طبعا المقادير ذي كلها بالخلاط
بعد كذا تجيبين الالوان لطعام طبعا هي معروفه للكل وعلى حسب الالوان اللي عندك تقسمين الخليط بالتساوي عليها كل واحد بعلبه بالنسبه لي قسمتها بخمس علب بلاستيك 4 الوان وواحد خليته بدون لون عشان يعطيني ابيض واضيفي عليها الدقيق لحد ماتصير عجينه لينه واتركيها تتخمر ساعه
سوري انا ماصورتها وقت العجن بس بعد ماتخمرت كورتها وهذي صورة
بعد كذا تضغطيها بالآلة حقت المطازيز او تفرديها
وتحمريها عالصاج من الجهتين
هنا مااستخدمت الصاج استخدمت آلة المصابيب ( المراصيع)
اذا تحمرت من الجهتين حطيها بحافظه وسكري عليها عشان تكون لينه وماتتكسر معك
بعد كذا نجي للحشوة
شوحت شرايح بصل وشويه ثوم بالزيت وقطعت فيليه دجاج مكعبات واضفتها له بالاضافه لشوية جزر مبشور وفلفل رومي برضو قطعته مكعبات وتضيفيه عليه.. ملح-فلفل أسود-كاري-ملعقه طحينيه سائله-ملعقتين زبادي وسر النكهه ملعقه(peanut butter) زبده الفول السوداني تخلينها شوي ع النار لحد ماتستوي وتطفي عنها بعد كذا بامكانك تدخني الدجاج طبعا الكل يعرف الطريقه تحطي شويه زيت بصحن وتحمي الفحمه وتحطيها بصحن الزيت وتخليها وسط الدجاج وتغطيه لحد مايكسب النكهه طبعا الحشوه على حسب رغبتك