المقادير:
نصف كيلو ارز
ربع عدس بجبة
حوالي ثمن شعيرية
بصلة وسط
حوالي راس توم
نصف كيلو طماطم
كيس مكرونة 400 جرام سباجيتي وكيس كمان مكرونة صغيرة
الطريقة
الاأول بسلق العدس بجبة وبحط على ميته في السلق البهارات وماجي واما يتسلق بصفيه وبكن ميته على جمب وبيبقى عندنا كدة
ثاني حاجة هسلق المكرونة
واصفيها واركنها على جمب
ثالت حاجة هعمل ارز ازاي هحط زيت ذرة وانزل عليه بالرز وبعدين اسقيه بمية العدس اللي كنت ركنتها على جمب فوق فيه ناس بتعمل الرز بالشعرية بس انا بحب اعمل دة لوحده ودة لوحده وبنفس طريقة عمل الرز اما يبدأ يتشرب اوطي عليه النار واقلبه بشوكة وبعدين اما يستوي اطفي
رابع حاجة اعمل التقليه ازاي اجيب البصلة الوسط واقطعها حلقات واحط الطاسة على النار فيها زيت غزير وااغطس البصل في شوية دقيق صغيرين بنشا بسيط اوووي عشان تطلع مقرمشة وجميلة ونركنها على جمب
ونفرم راس الثوم اللي قشرناها وخامس حاجة هنقلي نص كمية التوم في زيت على النار ونعصر الطماطم ونصفيها وننزل بيها واما تتسبك نطفي عليها
وسادس حاجة نعمل الدقة بفتح الدال ازاي ببقية التوم واحد عليها عصير ليمونة ومعلقة خل والبهارات والملح والفلفل والكمون وطماطماية مبشورة ونقلب
سابع حاجة نعمل الشعيرية بحوالي معلقة ويت ذرة ونحمر حواليى 150 جرام شعيرية واما تتحمر نسقيها مية بس مش كتير ونحط ملح بسيط ونغطيها واما تستوي نركنها على جمب
سابع حاجة واهم حاجة ازاي بقى نرص طبق الكشري نجيب الطبق وفي الاول نحط الرز طبقة وبعدين طبقة شعيرية وبعدين طبقة المكرونة وبعدين طبقة العدس بجبة وبعدين الصلصة وبعدين البصل والدقة تتسقي بسيط فيها واللي حابب يزود طبق صغير نحطه جمب الاكل
وهيبقى بالشكل دة
ملحوظة : اللي حابب بسلق حمص وبيصفيه وبيحطه عليه من فوق بس عشان انا ما بحبهوش مش بعمله
جربوا وادعولي وبالهنا والشفا
ساعد في نشر والارتقاء بنا عبر مشاركة رأيك في الفيس بوك
« آخـــر الـــمـــشـــاركــــات »
24-01-2017
