البشاميل . اعملى نصه لبن ونصه شوربه اخف واوفر
الفيجيتار . اى فينو مكسر او بقسماط اطحنيه مع توابلك
الفاكهه . لو دبلت او طريه قطعيها ورشى عليها سكر واحفظيها كمبوت
خيار او جزر دبلان قطعيه فى برطمان وميه وملح وليمون واعمليه مخلل
قشر الليمون ده ممكن تعملى فيه كذا حاجه جمعيه وخلليه او اغليه فى شويه ميه وزودى بيه صابون المواعين او اغسلى بيه السيراميك او انقعى فيه الملابس البيضا
قلب البتنجان اللى بتقوريه شوحيه فى معلقه زيت واضربيه مع فلفل اخضر ومعلقتين زبادى وطحينه واعمليه بابا غنوج
احفظى وش اللبن وجمعيه فى الفريزر واعملى منه قشده لاي استخدام بعد كده تفيدك
اعملى الطحينه فى البيت سمسم ودقيق وزيت دمسى الفول فى البيت للفطار
حاجه كمان مهمه انزلى السوق الشعبى اشترى حاجتك مش من الماركت ارخصلك و خديها بنيه صدقة خفية جارية لان الناس دي اولى بالمكسب
الرز الباقى ممكن تعمليه رز معمر مع قطعتين لحمه او ربع فرخه ولبن ودخليه الفرن
او تشليه لما تعملى كشرى او تفرميه مع الكفته
اتبقى سمكه مقليه شليها ولما تعملى تانى طلعيها فى صنيه مع بصل وطماطم وليمون
بواقى الكيك اللى بينشف ممكن تفرميه وتعمليه ترافيل بالشيكولاته
قشر البرتقال اليوسفى بيتحط فى المش بيديله طعم جميل وممكن تنشفيه وتطحنيه بيعمل ريحه روووعه فى البيت
المكرونه الباقيه حطيها فى الفريزر وفى اى يوم طلعيها فى صنيه وعليها معلقه صلصه ع الوش ودخليها الفرن وجنبها بطاطس محمره وسلطه
لو اللبن راب وقطع صفيه واعمليه جبنه قريش
بواقى الجبنه اللى بتنشف اضربيها فى الكبه مع معلقه قشطه هتبقى جبنه كريمى ومع طماطم او فلفل اخضر او زيتون
الطبيخ اللى بيتبقى جمعى كل نوع لوحده واخر الاسبوع اعمليه تورلى
حاجه كمان ممكن تعمليها لو ولادك بيحبوا الجبن الغاليه زى الرومى والشيدر وكده هتجيبى نص ك لبن فريش من اللبان وتسبيه يقطع وتصفيه وتطحنى قطعه جبنه رومى مثلا وتضيفيها على اللبن وتقلبيها وتكمريها فى علبه وتضغطى عليها وسبيها فى التلاجه كام يوم لحد ما تنشف بقى عندك ربع رومى بقطعه واحده وزيها الشيدر والركفور والمثلثات والكريمى وغيرها.
ساعد في نشر والارتقاء بنا عبر مشاركة رأيك في الفيس بوك
اكثروا من الحمد
.. استغفر الله الحمد لله ..
يأتي على الناس زمان تكون العافية فيه عشرة أجزاء :
تسعة منها في اعتزال الناس وواحدة في الصمت 🤐
- الإمام علي بن أبي طالب
_ فَصَبْرٌ جَمِيلٌ ۖ وَاللَّهُ الْمُسْتَعَانُ _
« آخـــر الـــمـــشـــاركــــات »
13-01-2017
