في منزل عائله اوغلوا السيد إحسان علي طاوله الافطار
عليا: صباح الخير
إحسان : صاحيه بدري عشان تروحي الجامعه ؟
عليا :ايوه انت لسه متعودتش علي اني بصحي بدري ده انا بقالي شهر اهو في الجامعه الجديده دي
إحسان : معلش مكنش عندي وقت اسألك عن أخبار الجامعه الجديده
عليا : انا المحاضرات بتاعتي هاتبدأ متاخرالنهارده .. كنت هاروح بدري عشان اقعد مع ليلي شويه لكن لو عندك وقت النهارده اقعد احكي لك كل حاجه عن الجامعه الجديده
إحسان :انا عندي اجازه النهارده ومن زمان عاوز اسمعك وتحكي لي عن الجامعه
عليا :تمام .. بس الاول هاكلم
ليلي اقولها اني هاجي علي ميعاد المحاضره
إحسان : طيب بسرعه عشان تيجي تحكيلي عن كل حاجه واولهم ليلي
◄ عليا تتصل بليلي وتخبرها انا ستأتي علي ميعاد المحاضره لانها مشغوله ثم تعود للحديث مع والداها
إحسان :تعالي بقي ياست عليا قولي لي عامله ايه في الجامعه الجديده
مين ليلي دي .. !!! الي بقت اقرب لك مني
عليا :في حد يقدر ياخد مكانك برضو ياحبيبي
بص يا سيدي الجامعه حلوه جدا وانا بدأت اتعود عليها اما ليلي ف دي بنت طيبه جدا اتعرفت عليها اول يوم وانا محتاره ومش عارفه اوصل لمكان المحاضرات هيا ساعدتني وطلعت معايا في نفس السنه وشرحتي نظام الكليه وكمان دمها خفيف وذكيه وكمان ….
إحسان :ايه ده كله ايه ده كله دي شكلها واكله عقلك
عليا :لا بس اصلها مخلص جدا مع كده معندهاش اى اصحاب فى الجامعه غيري وانا بحاول اخليها تبقى اجتماعيه حتى امبارح خدتها ورحت زرنا ابو ولد زميلنا فى المستشفى
إحسان : طب ايه بقي كله ليلي .. ليلي مفيش شاب كده ولا كده
عليا : يا بابا انت عارف لو في حاجه هاقولك
إحسان :هما الشباب معندهومش نظر عشان يسيبوا القمر ده
عليا :انا بفكر في الدراسه وبس دلوقتي يا بابا
إحسان :يعني اسكت انا .. طيب نرجع لموضوع صحبتك
هيا من اسطنبول ؟؟
عليا :لا هيا من ادنه بس ساكنه في المدينه الجامعيه وبتطلع الاولي كل سنه
إحسان :يعني اهلها ناس علي قد حالهم ودخلت الجامعه بالمنحه شيئ جميل وده يخليني انا كمان اعجب بيها .. شوقتيني اشوفها
عليا :إن شاء الله في اقرب فرصه
في المدينه الجامعيه ليلي تتحدث في الهاتف مع امها
ليلي :إزيك يا ماما ازي بابا ومحمد اخويا … وحشتوني جدا
والدتها :كلنا بخير الحمد لله .. وحشتنا جدا عامله ايه لوحدك في الكليه يابنتي
ليلي :ماما كأنها اول سنه ليا هاتفضلي علي طول قلقانه عليا كده
والدتها : (تضحك ) قولي لي ايه اخبار صحبتك عليا
ليلي : هيا كويسه جدا كان مفروض نتقابل النهارده قبل المحاضرات بس هيا انشغلت هاقولها انك سألتي عليها
والدتها : اوعي تكون البنت دي بتتعامل معاكي بتكبر عشان هيا من طبقه مختلفه
ليلي :لاء يا ماما هيا بتعاملني كويس جدا .. انتي عارفه ان بقالي 3 سنين في الجامعه معنديش اي اصحاب وهيا دلوقتي صحبتي الوحيده وبشوف معاها الكليه بشكل تاني
والدتها : انا ديما بدعي لك … ربنا يسعد ايامك .. سلام دلوقتي عشان بابا بيناديلي
ليلي : ماشي سلمي لي عليه سلام .
في الياخت الخاص بمصطفي يرن الهاتف
إياد : تليفون مين ده .. حد يرد
ويبحث عن مصدر الصوت
إياد :ايه ده ده تليفوني ..الو مين
فيروز:انا مامتك ياسكران
إياد يقوم مفزوع
إياد :سكرن اية ياماما بس انا فايق جدا, بس صوتى كده علشان صاحى من النوم
فيروز:طبعا لسه نايم ولا كأن عندك جامعه ,انا نفسى اعرف بس انت بتنجح ازى؟
إياد:بمجهودى طبعا ..انتى ديما ظلمانى كده
فيروز:بمجهودك اه طبعا مجهودك فى السهر مع مصطفى لصبح مش كده
إياد :اكيد طنط لميس لما شافتنى امبارح قالتلك علشان كده بتتصلى
فيروز:من غير ماتقول انا بس واثقه انك دلوقتى عند مصطفى فى الياخت واكيد سهران طول الليل انت وهو مع بنات
إياد:بنات ايه بس ياماما بتظلمينى تانى
فيروز: ياسلام ..بقيت ممثل بارع حتى الكذب اتعلمته من مصطفى الولد ده فسدك على الاخر,على العموم انا هعدى عليك اخدك من الجامعه ونتغدى سوا برة
إياد: الجامعه؟؟ طيب مانتقابل فى مكان الغداء
فيروز:لا انا عاوز اتأكد انك بتروح الجامعه وانا مش هقولك هاجى امتى علشان متروحش وقتها بس
إياد:لا حويطة يافيروز
فيروز:وبعدين فى اسلوبك ده انا مش قولتلك بلاش الاسلوب ده معايا ..يلا باى اشوفك على الغداء
إياد:باى
يغلق إياد الخط ويتهكم على امه:مش قولتلك بلاش الاسلوب ده معايا
إياد يذهب الى مصطفى فى الغرفه الاخرى
إياد:مصطفى يلا قوم هنروح الجامعه (وهو يضربه بمخده)
مصطفى :فى ايه جامعه ايه بس سبنى انام
الفتاه المستلقيه بجور مصطفى تستيقظ وتلبس ملابسها وتغادر الغرفة
مصطفى :كده ياعم صحيت الموزه واحرجتينى قدمها فى حد يخش على حد كده
إياد:بقولك ايه انا لازم اروح الجامعه النهارده ضرورى
مصطفى :ليه بقى ياعم الدحيح عندك محاضرة مهمه !
إياد لا يخفيف فيروز خانم هتعمل كابسه عليا فى الجامعه علشان تتأكد انى بحضر فلازم اروح
مصطفى :انا مش عارف ان مصر تبين لها انك مجتهد ليه متقولها الحقيقه هى اصل شاكه فيك
إياد:وقتك انت دلوقتى لازم اشرحلك ..يلا قوم بسرعه البس هدومك هتيجى معايا
مصطفى :اجى معاك ؟..لا معطلكش انا …الجامعه مش حاسس انها مش راكبه على بعض
إياد:انت هتيجى معايا علشان الجامعه دمها تقيل على قلبى وانا هطق زهق من غيرك هناك
مصطفى: بس بشرط نسهر النهارده باليل زى كل يوم
إياد :اكيد موافق يلا بسرعة
إياد ومصطفى فى الجامعه
مصطفى : ايه ده ده الجامعه فيها بنات حلوين اهو …دى الدفع الجديده مش كده ؟
إياد:لم نفسك شويا حتى هنا ..ماما جاى فى اى وقت
مصطفى :طيب مش هنقعد ولا ايه ..تعالى نروح الكافتريا
إياد:لا خلينا بره فى مكان نقدر نشوف ماما منه وهى جاية
مصطفى ينظر حوله ويقول:تعالى نقعد على الكرسى ده مناسب
إياد:بس د فى واحده قاعده هناك بتذاكر
مصطفى:واحنا برضو بيفرق معانا احنا نطفشها من هناك
إياد ومصطفى يذهبان فى اتجاه الكرسى الذى تنتظر ليلى فيه عليا كل يوم ,ليلي تحدث مع عليا على الهاتف
ليلي:ايه ياعليا اتاخرتى ليه؟
اوك ماشى انا مستنياكى فى نفس المكان…..اوك باى
مصطفى يجلس الى جوار ليلى وقصد يخبط فيها
ليلى:ايه يابنى انت اعمى
مصطفى:سورى ماخدتش بالى
ليلى: ممكن لو سمحت تقوم من هنا
مصطفى: لا مش ممكن
ليلى:لو ماقمتش هزعق والم الجامعه عليك
مصطفى يقلد صوت فتاه:واللهى واللهى لو ماقمت لصوت والم عليك الناس واقول ده بيتحرش بيا ..يابنى الكلام ده انتهى من عصور فاتت
إياد :انتى طلعه من انهو فليم عربى
مصطفى :وبعدين بالذمه لو لميتى الناس حد هيصدق اننا ممكن نعاكسك انتى معندكوش مرايه فى البيت ولا ايه
(يضحكان معاٌ وليلى متضايقه جدا لكن تحاول اخفاء ضيقها وتعمل نفسها بتقرى فى الكتاب)
مصطفى :هو انتى منهم الجماعه اتوع المذكرة والكتاب افضل صديق ودودة كتب وكده
إياد:ايو ماهم الدحيحه كده تلاقى البوقين اللى قالتهم دول احدث حاجه وصلت لها
مصطفى:وعلى كده بقى تعرفى حد غير الكتاب ده
إياد:لا ازى تعرف كتير ادى كتاب اتنين ثلاثة اربعه خمسة كل دى كتب !!!!
مصطفى يضحك:لالا انتى كده عديتى التوقعات كل دول اصحابك؟
(ليلى تنظر لهم بغضب وتترك الكرسيى وترحل)
إياد:انتى زعلتى..لا لا تعالى احنا اسفين
مصطفى :احنا اسفين ياكتاب هههههههه
يرن هاتف إياد
إياد: ايه ده دى ماما ..بعد ماالبنت قامت…الو ايو ياماما
فيروز :انت فى الجامعه
إياد:ايو انا جو الجامعه انتى اللى فين؟
فيروز:انا فى الشركه معلش مش هقدر اتغدى معاك النهارده علشان فى شغل مهم ومضطره اسافر النهارده
إياد:ولا يهمك ياماما هبقى اجى انا يوم تانى اتغدى معاكى
فيروز:اوعى تكون فاكر نفسك هربت ..انا اول مارجع من السفر هاجى الجامعه وتبقى تعرفنى على الاستاذه بتوعك
إياد:استاذه ؟ هو انا رجعت ابتدائى تانى….ماتتعبيش نفسك ياماما انا هاجى اسلم عليكى قبل ماتسافرى
فيروز:لا مفيش وقت انا هرجع كمان 3 ايام وهبقى انا اجى اشوفك فى الجامعه …باى دلوقتى احسن مشغول قوى
إياد:بس ياماما…..(والدته اغلقت الخط)
اياد:ايه المصيبة دى
مصطفى: في ايه؟
إياد:ماما عاوز تجى تتعرف على الدكاتره بتوعى فى الجامعه …..انا مش عارف ايه شغل ابتدائى ده
مصطفى :مش لما تتعرف عليهم انت الاول
إياد :مهى دى المشكله …بس الحمد لله قدامى 3 ايام بس … ايه الحل؟
(اياد يفكر)
إياد: محلوله انا هكلم يوسف وهو هيضبطنى
(اياد يتصل بيوسف )
يوسف:الو
إياد : الو ..استاذ يوسف اردوغان
يوسف:ايو
إياد:حضرتك كسبت معانا غسله اديال زنوسى بقت زنوسى
يوسف:ايه!
إياد:هههههههههههه انا إياد معرفتنيش ولا ايه
يوسف :معلش مخدتش بالى ,ازيك
إياد:انا تمام وانت …ايه فينك انا فى الجامعه
يوسف:انا تمام بس …انا مابروحش الجامعه اليومين دول علشان والدى محجوز فى المستشفى وانا قاعد معه
إياد: انا اسف ماكنتش اعرف …..طيب هو انا ممكن اطلب منك حاجه انا عاوز المحاضرات وعاوزك تشرحها لى وتعرفنى على الدكاتره اللى هنا ضرورى
يوسف :ايه نويت تلتزم ولا ايه
إياد: حاجه شبه كده
يوسف :خلاص انت ممكن تعدى عليهم فى البيت وهم يدو لك المحاضرات بس موضوع الشرح والدكاتره ده مش هينفع اسيب بابا
إياد:بس ده ضروى جدا النهارده او بكره بالكثير
يوسف :خلاص انت مش فى الجامعه دلوقتى
إياد: ايو
يوسف :محدش من الدفعه كلها هيكون قاعد لسه فى الجامعه لحد دلوقتى غير ليلى وعليا
ليلى دى الاول على الدفعه بس انا مش معايا رقمها انا هكلم عليا اقولها تقابلك عند البوابه بتاعت الجامعه وهم هيساعدوك
إياد: اوك ماشى متشكر جدا
يوسف :العفو ..سلام
إياد: سلام
فى المكتبة ليلى تحكى لعليا اللى حصل معاه الصبح
ليلى :بس علشان كده انا اتنرفزت ومشيت
عليا :معقوله فى حد قليل الزوق كده ,وانتى كان باين عليكى من اول اليوم انك مضايقة بس كان المفروض تردى
ليلى :لا ارد ليه الموضوع بسيط وانا عديته ومضايقتش خالص
عليا(تبتسم):لا واضح
ليلى يلا بقى خلينا نركز فى المذكرة شويا
عليا:ايو فعلا دودة كتب
ليلى :عليا…!
عليا :خلاص يلا نذاكر
(تليفون عليا يرن )
عليا : الو
يوسف :ازيك ياعليا
عليا:تمام وانت يايوسف وعمو عامل ايه دلوقتى
يوسف :الحاله بتتحسن الحمد لله
عليا :ان شاء الله يقوم بالسلامه
ليلى :قولى ليوسف يسلم لى على بابه وسلميلى عليه
عليا:سمعت ليلى؟
يوسف:قوليها يوصل ,انا متشكر جدا على زياة بابه
عليا : عيب يايوسف انت بتتصل علشان كده ؟
يوسف :اكيد لا…انا عاوز خدمه بسيطه منك
عليا:كمان …اتفضل
يوسف :فى واحد زميلى كان عاوز حد يساعدة فى المحاضرات علشان هو لسه محضرش ولا محاضره من اول السنه ياريت تساعدو
عليا:انت قصدك ليلى تشرحله ….اوك تمام ليلى موافقه
(ليلى تنظر بستغراب)
يوسف: خلاص هو اسمه إياد وهو دلوقتى فى الجامعه وانا قالت له يستناكم عند البوبه بتاعت الجامعه
عليا :طيب مش احسن تدينى رقمه وانا اكلمه اضبط معه المكان
يوسف :صحيح ..فاتتنى دى …..ثوانى اجيب الرقم …الرقم 098657355
عليا:خلاص انا هكلمه ومتقلقش خالص هنكرموه هههههههههههه
يوسف:شكرا
عليا :العفو …بس عاوزين نشوفك فى الجامعه قريب
يوسف:ان شاء الله …سلام
عليا: سلام
عليا تتصل بإياد
ليلى: ايه ليلى موافقه دى فهمينى فيه ايه
عليا:هفهمك بس استنى شويا…الو
إياد :الو
عليا:انا عليا صحبت يوسف انا اخدت رقمك منه علشان اعرف اوصل لك
إياد:ايو هو قالى استنى عند البوابه
عليا:لا هو احنا دلوقتى فى المكتبة تعرف مكانها؟
إياد:لا معرفهاش
عليا:ايه ده انت ضايع خالص خلاص مش مشكله انت تعرف ايه جو الكلية؟
إياد :ممكن نتقابل فى الكافتريا؟
عليا :اوط ماشى احنا هنروح دلوقتى نتقابل هناك
إياد:اوك ..سلام
عليا: سلام
عليا :يلا بينا
ليلى :يلا بينا على فين ؟
عليا: فى واحد زميل يوسف مابيحضرش محاضرات وعاوز حد يديله المحاضرات ويشرحها له
ليلى :ايو احنا مالنا بقى؟
عليا: يعنى ايه احنا مالنا بقولك زميل يوسف يعنى زميلنا والزمايل لبعضيهم مش كده
ليلى :ومين اللى قال انى عاوز اساعد حد معرفوش
عليا:لا تعرفيه دلوقتى هنروح الكافتريا ونتعرف ونقابل إياد وبكده هتبقى تعرفيه…خليكى اجتماعية شويا ياشيخ ده حتى يوسف بياخد منك المحاضرات بقى له 3 سنين ومكنتيش بتقولى له ازيك حتى
ليلي:مين قالك انى مش اجتماعية انا بس مركزه فى هدفى
عليا:ايو انا مصدقاكى انى اجتماعية جدا …بس يلا بقى الولد زمانه خلل هناك
ليلى : ثوانى الم الكتب
عليا :يلا يادودة الكتب
ليلى:انتى هتعلقى ولا اية …..ده كان موقف يحرق الدم
عليا:طب يلا بينا
(إياد ومصطفى فى الكافتيريا يبحثان عن عليا إياد يتصل بعليا)
عليا:الو ….ايو ياإياد
إياد:ايو انا وصلت الكافتيريا
عليا:واحنا كمان
إياد : انا رافع ايدى اهو شفتينى
(عليا تنظر حولها )عليا :ايو انا شفتك ..انا قدامك على طول رافعه ايدى علشان تشوفنى
إياد : انا كمان شوفتك …وجاى ناحيتك اهو
مصطفى وإياد يتحركان بتجاه عليا وليلى
ليلى :فين هو ده
عليا : اهو جاى
إياد:هاى
عليا :هاى ..انت إياد صح …وانا عليا ودى ليلى
ليلى :انتو
اياد:انتى؟
عليا: انتو تعرفو بعض
ليلى : دول الولدين بتوع الصبح و جاين دلوقتى علشان اساعدكم فى المحاضرات ايه ماتعرفوش دودة كتب غيرى
إياد:اللى حصل الصبح ده كان سوء تفاهم واحنا اسفين
مصطفى :انتى الاوله على الدفعه ؟… طبيعى … مش دودة كتب
(ليلى تنظر لمصطفى بغضب )
إياد: اقفل بوك بقى, ماتخديش على كلامه هو ديما كده هزاره تقيل كده …انا وهو اسفين على اللى حصل الصبح ماكنتش قصدنا نزعللك
ليلى : والاسف ده ليا ولا للكتاب
مصطفى : ما الاثنين واحد ولا ايه ياموزه
ليلى :موزه ؟؟ ايه الكلامه دى جبتها من فين من السوقين اللى انت مصاحبهم ؟
مصطفى : لا اصحابى كتب
ليلى :ماللهم الكت…
إياد:كفاية بقى
عليا فى حالة ضحك هستيريا
إياد: انا اسف جدا على اللى حصل الصبح ممكن تكونى احسن مننا وتساعدين
ليلى:……………….تفكرو ليلى هتوافق تساعدهم ولا لا
هنعرف فى الحلقه اللى جايه
ساعد في نشر والارتقاء بنا عبر مشاركة رأيك في الفيس بوك
علياء تترك ليلى وتغادر وليلى تلحقها لكن علياء تركب سيارتها
ليلى :استنى بس انا من حقى تسمعينى وتسبينى اشرحلك
علياء:انا مش هنسى لك ابدا انك خربتى يوم مميز زى النهارده عندى
علياء شغلت السياره
ليلى :مفيش حاجه بينى وبين إياد ….حتى اسألى إياد …تعالى معايا وانتى تفهمى
علياء رحلت بالسيارة
ليلى:علياء استنى
ليلى وقفه تبص على العربية وهى ماشية وفجاءه العربية وقفت وبعدين رجعت تانى لحد ماوصلت عندها تانى
علياء:انتى معاكى حق مش انتى لوحدك اللى خدعتينى انتو الاثنين هو كمان كان عامل فيها صاحبى وضحك عليا ….فين هو دلوقتى
ليلى :محدش خدعك والله
علياء(بعصبيه):تعرفى هو فين ؟
ليلى:هو فى اليخت بتاع مصطفى مستنينا
علياء:قولتى مستنينا ..يبقى لازم نروح له….اركبى يلا
ليلى تركب السياره
ليلى : انا عا…..
علياء:لو اتكلمتى كلمه وحده هقف بالعربية وانزلك فى الشارع
ليلى :بس
علياء تقف بالسياره
◄ ليلى:خلاص ولا كلمه (علياء كملت ماشى بالعربيه ماتكلمتش ولا كلمه لحد لما وصلو الشاطئ سالت ليلى على اليخت وليلى قلتها على المكان ,اما ليلى رنت لإياد زى الاتفاق اول لما قربو يوصلوا
◄ ليلى وعلياء دخلو اليخت علياء متنزفزه جدا اول لما دخلت لقيت المكان متزين ومكتوب عيد ميلاد سعيد علياء وورق ملون بيترمى عليها وكله بيقولها كل سنة وانتى طيبة
إياد: مفاجئه (وبدء إياد ومصطفى يغنو يلا حالاً بالاً هنو ابو الفصاد وهى مذهوله ومش عارف تتكلم وليلى خايفه من رد فعل علياء)
إياد: كل سنة وانتى طيبه ….باين عليكى انك متفاجئه جدا…مكنتش متوقع ان ليلى هتعرف تخبئ المفاجئة
علياء: يعنى انت وليلى عاملينى لى عيد ميلاد مفاجئه..!!
إياد: امال دى حفلت عيد ميلاد مصطفى مثلا
علياء:انا قصدى ازى انا ماخدتش بالى…وكمان انتو عرفتو من فين انه النهارده
إياد:ليلى اللى رتبت كل حاجه تقريبا
علياء(تنظر الى ليلى):ليلى انتى اللى عملتى كل ده …وانا …انا اسفه انا كنت
ليلى:كل سنة وانتى طيبة
إياد:اسفه على ايه
ليلى:لا عادى اصلها طلعت عينى على ماجينا هنا….فضل تقولى واحنا ايه اللى يودينا اليخت خلينا نذاكر هنا احسن وكده يعنى
إياد: يعنى كنت هتبوظى علينا المفاجئه ياعلياء
علياء: بس مفاجئه حلو جدا
مصطفى :مش هتطفى الشمعه وتقطعى التورته بقى ولا هنقعد ساعه نحكى بقى
إياد: طول عمرك بتبوظ اللحظه يامصطفى
مصطفى :لحظة ايه بس (يكلم علياء)بصى ياستى البت دى والواد ده ضحكو عليكى وكانو بيروحو الكلية بدرى يتفقو على تفصيل العيد ميلاد وامبارح راحو اشترو كل حاجه وجم طول اليوم بيعملو فى المكان وانا كنت معاهم طبعا …..وانت ماتوقعتيش طبعا واتفاجئتى ومبسوطه جدا …خلاص انا قولت كله نقطع التورته بقى
(ليلى وعلياءو إياد يضحكو )
(علياء تطفى الشمع وكلهم بيغنو هابى برث دى تو يو وبعدين بدات تقطع التورته )
ليلى تعطى علياء الهديه:كل سنة وانتى طيبه
علياء :وانتى طيبه (تهمس)انا اسفه جدا
ليلى:مش مهم اتبسطى دلوقتى وبعدين نتكلم
إياد:اوووا ابتدى الهمس بتخططو لايه ربنا يستر…. ايه هترمو مصطفى فى البحر؟
علياء وليلى يضحكو
مصطفى (يعطى علياء هديه):كل سنه وانتى طيبه
علياء:وانت طيب وكمان هدية
مصطفى(بصوت منخفض): مضطر والله
علياء:ايه
إياد:لا بيسأل تحبو نتحرك باليخت دلوقتى
علياء:طبعا اكيد
مصطفى :تمام ..هطلع بيه
إياد يهمس لمصطفى :اطلع على المكان اللى اتفقنا عليه
إياد:فاضل هديتى انا بقى انا مضطر أاجلها شويا كده
علياء(باستغراب):ليه
إياد :اصبرى لما النهار يخلص وانتى هتعرفى
علياء: اوك ماشى
(قطعو التورته وكله بداء ياكل منها …إياد قال لليلى تروح تدى مصطفى من التورته علشان تسيبهم لوحدهم)
ليلى: طب انا هاخد الحته دى لمصطفى علشان يدوق
علياء:ايه ده الظاهر انا الترتيب للعيد ميلاد ده خلاكم اصحاب…..طيب ماتخدى له حته اكبر شويا
ليلى:لا دى كويسه
علياء: مفيش فايدة ..ناقر ونقير على طول
(ليلى تروح لمصطفى )
إياد: انتى صحيح اتفاجئتى
علياء: بصراحه ماتخيلتش خالص
إياد: اصلك اكتر من مره تجى علينا فى الكليه ونكون بنتكلم فى كلام ولما تجى نغير الكلام ماخدتيش بالك خالص
علياء: لا خالص
إياد: كويس كنت خايف تخدى بالك …..طب تعالى معايا نقعد فوق
(راحو هما الاتنين و ليلى ومصطفى فى غرفة القياده)
ليلى: اتفضل
مصطفى :هى دى …انتى بتقطعى من لحمك
ليلى: معلش ايدى متقدرش تشيل الكمية اللى تكفيك
مصطفى :إياد ملقاش غيرك يبعتها معاه ….ولا صح ده بيطرقك علشان متبقيش قاعده زى العازول
ليلى : انا مش هرد عليك انا عارفه ان اليوم ده هيبقى صعب عليا انا ماشيه
مصطفى : هتروحى فين يامجنونه احنا فى عرض البحر
(ليلى بتروح تقعد فى مكان بعيد عن إياد وعلياء ومصطفى بيوصل المكان اللى اتفق مع إياد عليه ويوقف )
(الشمس غابت وعلياء وإياد بيتكلمو وماحسوش بالوقت خالص وفجاء ظهرت فى السماء العاب ناريه)
إياد: بصى فوق دى هديتى
علياء: الله …بحبها جدا
وبعدين طلعت كلمة I Love You 3lya
إياد: بحبك
علياء مكسوفة جدا :انااااااااااا
إياد: ايو انتى ايه؟…..طب خلاص انا هسهلها عليكى
(وطلع مداليه مكتوب عليها I Love You 3lya
ومداليه مكتوب عليها Happy birthday)
إياد : لو اخدتى دى تبقى بتحبينى زى مانا بحبك ولو دى يبقى انا مجرد صديق وبيقولك كل سنة وانتى طيبه
(علياء بصت للمدليتين وبعدين لإياد واختارت اللى عليها Happy birthday إياد بداء يضايق رحت علياء اخدت التانية كمان)
إياد: ايه ده افهم انا ايه بقى كده
علياء : اخدت دى علشان ارد عليك (تمسك اللى عليها I Love You 3lya)
ودى علشان عجبتنى ههههه
إياد يضحك: يعنى انتى بتحبينى
علياء تهز رأسها وهيا مكسوفه بالموافقه
(إياد يبتسم بسعاده)
فى نفس الوقت ومصطفى قاعد زهقان وبيلعب على الموبيل اما ليلى فكانت عامله حسابها فى كتاب معها علشان تقراه لكن هى ماكنتش عارفه تركز من الموقف اللى حصل مع علياء ومصطفى لاحظ انها متغيره
مصطفى:فى حد يقراء فى الظلمه
ليلى مش مركزه معاه اصلا
مصطفى(يرفع صوته): ايه فين لسانك سبتيه فين النهارده
ليلى تنظر له ولم تتحدث
مصطفى: بتبصى لى كده ليه مش عاجبك ولا ايه
ليلى : انا هنا بس علشان إياد وعلياء ومش مضطره اتكلم معاك
مصطفى :خلاص انتى حره ….ايه ده بصى فى السماء
ليلى تبص بأنبهار: حلو قووووووى
مصطفى : I Love You 3lya الواد ده بيتفرج على افلام عربى كثير
ليلى: دى حلوه جدا ….انت بس اللى مابتفهمش فى الرومانسية
مصطفى:هى دى الرومانسيه بالنسبه لك …انتى جايه منين
ليلى ترجع تبص فى الكتاب وماتردش
(بعد ساعه تقريبا)
إياد:مصطفى ممكن نرجع دلوقتى
مصطفى :اخيرا
رجعو كلهم باليخت واول ماوصلو
اياد: ممكن اوصلك ياعلياء
علياء : طب وعربيتى
إياد: مصطفى هيتصرف …مش كده (يغمز لمصطفى)
مصطفى :ايه….اه طبعا
علياء: طب وليلى
إياد:مصطفى هياخد باله من كل حاجه ماتشغليش بالك انتى
علياء:اوك ياليلى
(إياد يغمز لليلى)
ليلى:لا متحطيش فى بالك انتى
علياء :بس فى موضوع لازم نتكلم فيه
ليلى:ولا يهمك فى الموبيل بقى
مصطفى :يعنى كل واحد كده ضبط نفسه على حسابى
إياد:هههههه مصطفى تعالى معايا (يأخد مصطفى بعيد عن علياء وليلى)
إياد:دى اخر خدمه اطلبها منك …علشان خاطرى
مصطفى: اخر خدمه ها
إياد:حبيبى يادرش
يروحو الاتنين عند البنات
علياء :فى مشكله
إياد: كله تمام مش كده يامصطفى؟
مصطفى :لا تمام انا هوصل ليلى و اوصلك العربيه لحد البيت
علياء:تمام .. المفتاح اهو …. يلا بينا بقى
علياءوإياد ركبو العربيه ومشيو ليلى بتبص على العربيه لحد مااختفت العربيه وبعدين هى كمان مشيت
مصطفى :رايحه فين العربيه أهي
ليلى :عربيه أيه انت صدقت انى ممكن اركب معاك فى عربيه واحده
مصطفى :لا انتى اللى صدقتى انى ممكن اركبك معايا …دانا ممكن اركب أسد معايا فى العربيه ولا اركبك معايا
ليلى: خلاص احنا كده متفقين ….سيبنى بقى اوقف تاكسى
(ليلى راحت توقف تاكسى)
مصطفى:احب اقولك ان مفيش تاكسى بيعدى من هنا فى الوقت ده
ليلى:أكيد فى واحد هيعدى دلوقتى
مصطفى :براحتك ..بس انا مش هستنى كتير
ليلى:اهو فى تاكسى جاي…..تاكسى تاكسى ….ايه ده دا مش فاضى
مصطفى :قولتلك
بعد نص ساعه ليلى تنظر فى ساعتها
مصطفى :أمرى لربنا يلا تعالى اوصلك
ليلى:لا شكرا انا مستنية تاكسى
مصطفى :طيب اسيبك انا تستنى التاكسى براحتك سلام (يفتح باب العربيه علشان يمشى)
ليلى:استنى فين الشهامه هتسيب بنت لوحدها فى الوقت ده
مصطفى:بنت فين دى انا مش شايف اى بنات هنا
ليلى:خلاص انا اللى غلطانه ..اتفضل امشى
مصطفى :خلاص انا اسف ممكن تتكرمى وتركبى معايا
ليلى:واضح انه مفيش حل تانى …اوك موافقه
(ليلى ومصطفى ركبو العربيه ومشيو)
ليلى:انا رايحه المدينه الجامعه اللى فى…
مصطفى :مدينة البنات اكيد عارفها
ليلى : غريبه متعرفش مكتبة الكليه فين وتعرف مدينه البنات
مصطفى :كل واحد فينا عارف فين بيلاقى اصحابه
ليلى:هنرجع لنفس الموضوع تانى
مصطفى :خلاص انا هسكت
ليلى: طب سوق بسرعه علشان اتاخرت
مصطفى :ايه الألاطه دى ..صبرنى يارب
ليلى :قصدك ايه؟
مصطفى:لا ولا جاحه مش طالبه خناقه وانا بسوق
ليلى:يعنى انا بتلكك للخناق قصدك كده
مصطفى :لا انا مقولتش كده خالص …بصى انا عندى اقتراح بسيط هيريحنا احنا الاتنين
ليلى:اللى هو
مصطفى: احنا كل مانشوف بعض لازم نتخانق وكل واحد فينا استحاله يتفق مع التانى …..واحنا مضطرين نتعامل مع بعض علشان علياء وإياد…..انا عندى استعداد اتظاهر انى معنديش مشكله معاكى علشان خاطرهم زى هدنه يعنى …..لكن جوانا كل واحد فينا عارف اننا مش بنطيق بعض خلى الاحساس ده جونا ونتظاهر بعكسه ..ايه رايك ؟
ليلى :معنديش مشكله
مصطفى:وانا اوعدك هحاول اعاملك كويس على الرغم انى مش طايقك
ليلى(تشعر بإهانه لكرمتها لكنها بتحاول تخبي):تمام كده اتفقنا
(الاتنين فضلو ساكتين لحد ماوصلو المدنيه الجامعيه )
مصطفى:ادينا وصلنا
ليلى:شكرا (نزلت من العربيه)
مصطفى:تصبحى على خير
ليلى مستغربه
مصطفى: ماتستغربيش مش قولنا هنمثل
ليلى: وانت من اهل الخير
(اما إياد وعلياء بيحكو فى الطريق عن اسرتهم)
علياء:مامتى ماتت وانا عندى 12 سنه بس انا لسه فاكرها لما كانت بتعملنا الغداء كانت دايما تغنى صوتها كان جميل جدا وضحكتها مش هنساها ابدا …..اما بابا ده فهو كل حياتى على الرغم انه اغلب الوقت مشغول لكن هو بيحاول يفضى لى من وقته …نفسى دايما يكون فخور بيا
إياد: هو اكيد فخور بيكى
علياء:بس بلاحظ دايما الحزن اللى فى عيونه من يوم ما أمى ماتت مهما كان مبسوط تفضل عينة فيها الحزن ده …اصل بابا وماما كانو بيحبو بعض جدا طول عمرى نفسى اعيش قصه حب زى حبهم وألاقى حد يحبنى لاخر يوم فى عمرى زى بابا
إياد:اوعدك انى احبك لاخر يوم فى عمرى
علياء(تبتسم): جه دورك تحكى بقى
إياد: بس احنا وصلنا البيت نرجع تانى علشان نكمل كلامنا
علياء (تبص فى الساعه):لا ماينفعش انا اتاخرت…اشوفك بكره ..سلام
(تنزل من العربيه وتوادع إياد …لكن التليفون يرن قبل ما توصل الباب)
إياد:وحشتينى
علياء:انا لسه موصلتش باب البيت
إياد:حاسس انى عاوز افضل اسمع صوتك طول الليل
(علياء تدخل المنزل وهى بتكلم إياد على التليفون وإياد يرحل بالسياره الى منزله)
علياء: وانا كمان نفسى اعرف كل حاجه عنك وعن باباك ومامتك
إياد:بصى ياستى انا بابا السيد احسان يوسف رجل اعمال وزير الاستثمار
علياء:وزير مره وحده ..مايبانش عليك يعنى
إياد:هو اولاد الوزراء بيبقى لهم شكل معين
علياء:لا مربع ههههههههه
إياد:لالا انتى ماتحاوليش تألشي تانى ..ماتنفعيش ماتنفعيش
علياء(بدلع):قصدك دمى تقيل يعنى انا زعلانه
إياد: لا طبعا انتى دمك عسل انا اللى مش قادر افهمو بس
علياء:ههههه خلاص هعديها..كمل كلامك
إياد:بابا طول الوقت مشغول وبشوفه قليل جدا خصوصا انى اغلب الوقت مش بكون قاعد معه هو ومامه منفصلين من وانا فى ثانوى ..اما مامه انتى عارفها ..برضو مشغوله بشركتها والجمعيات الخيرية معنديش اخوات لكن مصطفى ابن عمى وصاحبى وزى اخويا بالظبط واغلب ايام بقعد عنده فى اليخت
علياء:انت مش قولت انك قاعد مع مامتك علشان هى تعبانه
إياد:لا مهو انا بتكلم عن قبل ماعرف ان مامه عيانه بس دلوقتى انا قاعد اغلب الوقت مع مامه
علياء:ام (تتثائب)تمام
إياد: انتى نعستى ولا ايه
علياء(نعسانه جدا ):لا صاحيه وسمعاكي
إياد:سامعكي .. ده انتى مش هنا …اجيبلك لحاف
علياء:امممم
إياد:تصبحى على خير
علياء:وانت كمان
فى اليوم الثانى)
علياء تصحى من النوم على تليفونها بيرن
احسان:هابى برث دى تو يو هابى برث دى تو يو هابى برث دى ماى برنسز هابى برث دى تو يو
علياء:انت لسه فاكرنى
احسان :انا حاولت اتصل بيكى كثير امبارح تليفونك كان مقفول ولما اتصلت بالبيت قول لى انك لسه بره
علياء:على العموم انا هسامحك علشان انا بالى رايق النهارده
احسان:وايه بقى اللى مروق بال حبيبتى
علياء:لما تيجى احكى لك
احسان :انا جاى كمان 3 ايام وتجهزت كل حاجه علشان نحتفل بعيد ميلاد يوم الجمعه انتى بس اعزمى اللى انتى عاوزه من صحابك
علياء:ربنا يخليك ليا يا أحلى اب فى الدنيا
احسان:انتى اللى احلى بنت فى الدنيا
علياء:طيب يابابي ممكن تسيب بنتك حبيبتك تقوم تجهز نفسها علشان ماتاخرش على الجامعه
احسان :طيب ….سلام
علياء:سلام
(علياء تقوم وتجهزوبعدين افتكرت انها مكلمتش ليلي تعتذرلها عن اللى حصل امبارح قامت طلبتها)
علياء:صباح الخير ياليلى
ليلى:صباح الخير
علياء:معلش امبارح فضلت اتكلم مع إياد لحد مانمنا
ليلى:ولا يهمك
علياء:انا عاوزه اعتذرلك عن الكلام اللى قولته امبارح انا اسفه جدا
ليلى:انا لحد دلوقتى مش مصدقه انك شكيتى فيا …حتى لو انتى مقولتليش انك بتحبى إياد انا صحبتك وفهمتها لوحدى واستحاله كنت افكر فيه
علياء:انا الغيره عمتنى ….انا اسفه …حاولى تحطى نفسك مكانى
ليلى:لو انا مكانك كنت هسألك الاول واعرف منك الحقيقه وبعدين اقرر مش هعمل كده ابدا
علياء:متعرفيش انا مضايقه من نفسى قد ايه انى مدتكيش فرص تتكلمى وكمان لما انتى مقولتيش حاجه لإياد انا حسيت قد ايه انتى كويسة وانا زباله… معفنه ..شوفتى ادينى بشتم نفسى علشان ترضى عنى
ليلى:ماتقوليش على نفسك كده انتى جميله انتى جميله
علياء :بقينا بنتفرج على التلفزيون اهو
ليلى:ده اعلان شوفتو على الماشى
علياء:ههههه مفيش فايده …طيب لو كنت سامحتينى بجد تقبلى انك تيجى عيد ميلادى يوم الجمعه ..بس هنروح الاول نشترى فستان ليا وليكى وتجى معايا يومها الكوافير
ليلى:بس..
علياء:مفيش بس انا زعلاتك ولازم اصلحك مش هقبل كلمة لا ..لا ازى انتى لسه زعلانه
ليلى:خلاص موافقه
علياء:تمام ..ايه إياد على الويتينج ….معلش سلام ناو
ليلى: هههه ماشي يا ستي مهو من لقي احبابه بقي . يلا سلام
علياء:هههههه ايو يإياد
إياد:بتضحكى ليه؟
علياء:كنت بكلم ليلى…انت عامل ايه؟
إياد:تمام ….وحشتينى
علياء(مكسوفه):وانت كمان
إياد:انتى جهزتى
علياء:انا لبست وهنزل اروح على الجامعه
إياد:طيب بصى من الشباك
علياء بصت من الشباك لقت إياد واقف بالعربيه تحت البيت
علياء:ايه ده انتى هنا من امتى
إياد:من اول ماكلمتك …جيت اقولك ماتيجى نخرج النهارده نقضى اليوم مع بعض
علياء:طيب والجامعه
إياد:يوم واحد من غير جامعه ده اول يوم لينا مع بعض
علياء:امممممم
إياد:يلا ياعلياء
علياء:موافقه ..بس انا اللى هحدد هنفطر فين
إياد:تحت أمرك ماى كوين
(علياء تنزل وتركب مع إياد ويذهب الى مكان على البحر كان عاجب علياء جدا ونفسها تفطر فيه )
علياء:ياه المكان هنا زى ماتخيلته والبحر جميل جدا
إياد ينظر لعلياء:فعلا سبحان الله
علياء:بس انت مابتبصش
إياد:سبحان الله على اللي عينيا شايفاه
علياء تبتسم بخجل
الجرسون :صباح الخير….تحبو تتطلبو ايه
إياد وعلياء طلبو فطار وقهوه وقعدو يحكوا …إياد حكى لعلياء عن طفولته وعن مصطفى وهى كمان حكت له عن اصحابها اللى كانو معاها فى الجامعه القديمة
بعدين قرروا يغيرو المكان وراحو على جنينة قعدو فيها وهم هناك شافو ولد صغير بيلعب بكره قعدو يلعبو معه وتبسطو جدا وبعدين الولد مامته ندهت عليه
طفل :باى
علياءو إياد:باااااااااااااااااااااااى
إياد:انا اتبسطت جدا
علياء: وانا كمان …..عسول قوى الطفل ده
إياد:اه فعلا انتى هتكونى ام حنونه جدا
علياء:ليه
إياد:شفتك اتعاملتى ازاى مع الولد لما كان بيجري ورايا علشان ياخد الكوره وقعد يعيط
علياء(تبتسم وبعدين تليفونها بيرن)
علياء:دى ليلى انا نسيت اقولها انى مش هاجى الكليه ..الو
ليلى:ايو يابنتى انتى فين ماجتيش ليه المحاضره
علياء:لا انا مش هاجى النهارده …اصل انا وإياد خارجين مع بعض النهارده
ليلى:طيب مش كنتى تقولى انا قلقت عليكى
علياء:انت هتبقى تقول لى اللى فاتنى انا و إياد
ليلى:تمام..سلام
علياء:سلام
إياد:ليلى دى طيبه جدا .. اول مره شفتها كان يوم هههههه
علياء:ماتفكرنيش ده كانت متنزفزه منكوا جدا…….. بس هى لسه شايله من مصطفى
إياد:هى بس لما هتعرفو كويس هتنسى الموقف ده…..ايه مش جعانه ولا ايه ؟
علياء: بعد اللعب ده كله ….هموت من الجوع
إياد:طب يلا بينا على مكان المره دى على زوقى
علياء:اوك ..يلا
هم الاتنين راحو يتغدو فى المطعم وبعدين راحو يتمشو على البحر شويه
إياد:منظر الغروب رائع
علياء: بيفكرنى بيوم امبارح
إياد: اليوم بتاع امبارح لولا ليلى ومصطفى كان هيبوظ خالص
علياء: انا فى حاجه عاوز اعترف لك بيها
إياد: ايه دى
علياء:انا كنت فاكره انى فى حاجه بينك وبين ليلى وكنت جايه امبارح اليخت علشان ازعق معاك علشان انت وليلى ضحكتو عليا
إياد:هههههه انا وليلى
علياء: الجامعه كلها بتتكلم فى الموضوع ده
إياد: كمان الجامعه كلها ليه كده
علياء:البنات شفوكم وانتو فى اليخت وكمان لما وصلت ليلى المدينه
إياد:وانتى قولتى لليلى الكلام ده
علياء: دانا هزءتها وقولتلها كلام وحش جدا وماسبتهاش تدافع عن نفسها خالص
إياد: علشان كده كنتى بتقولي لها انا اسفه
علياء: ايو انا زعلانه من نفسى جدا خصوصا انها محبتش تحرجنى قدامكم
إياد: اكيد انتى هتعرفى تصلحى الوضع معاها….وعلشان اوضح الصوره انا بحب ليلى جدا بس هى بالنسبه لى اختي
علياء:خلاص انا دلوقتى فهمت
إياد:انا مش عاوز يكون جواكى ايه شك
علياء: طيب ممكن نروح علشان انا اتاخرت
إياد :تمام
(هم الاتنين ركبو العربيه و راحو عند بيت علياء)
علياء:تصبح على خير
إياد:تصبحى على خير ياحبيبتى
(علياء ضحكت بكسوف ونزلت من العربيه)
إياد:انا هعدى عليكى الصبح نروح الجامعه سوا
علياء:اوك هستناك …..سلام
(فى الصباح)
(إياد عدى على علياء واخدها وراحو يفطرو فى نفس المكان اللى راحو فيه امبارح
بعدين راحو الجامعه ودخلو و هما ايدهم فى ايد بعض)
علياء:الجامعه كلها بتبص علينا
إياد: اللى عاوز يبص يبص انا بحبك هم مالهم
علياء(تبتسم):طب يلا نلحق المحاضره
إياد وعلياء راحو على قاعة المحاضرات وليلى كانت هناك وسلمو عليها
بداءت المحاضره ولما خلصو محاضراتهم ليلى روحت المدينه اما إياد وعلياء راحو يتغدو بس طلبو تيك اوى واخدو وراحو على مكان تانى
علياء:احنا رايحين فين
إياد:استنى شويا وهتعرفى
علياء : لا مش قادره استنى
إياد:خلاص وصلنا
وقفو عند بيت شكله بيت ريفى لكن جميل
إياد: ده بيت جدتى زهره وانا متعود اجى ازورها من وقت للتانى ….. هى عايشه لوحدها وانا عاوزك تتعرفى عليها
علياء: تمام يلا بينا
إياد خبط على الباب جدته فتحت الباب وكانت مبسوطة جدا انها شافت إياد واتعرفت على علياء وقعدو كلهم يتغدو سوا
إياد: طمنينى عليكى عامله ايه
زهره:انا تمام جدا …من زمان مش بتيجى
إياد:معلش كنت مشغول فى الجامعه
زهره :ماما وبابا عاملين ايه
إياد:كلهم كويسين الحمد لله
زهره:والقمر دى حبيبتك ؟
إياد: انتى مفيش حاجه تعدى عليكى
زهره : بسم الله ماشاء الله…..طيب انا هشيل الطباق واعمل شاى مين عاوز شاى
إياد:انا اكيد
علياء:وانا كمان بس هقوم اساعدك
إياد:وانا هروح اجيب حاجه من العربيه
علياء والجده زهره عملو الشاى ورجعو لقو إياد قاعد مستنيهم وف ايدوا كاميره
علياء: كاميرة مين دى
إياد:كاميرتى
علياء:انت بتحب التصوير
زهره :ده إياد تصويره حلو جدا انتى عمرك ماشوفتى ليه صور
علياء:الحقيقه لسه
زهره :استنى عندى منهم جو هاجيبهم
إياد:يلا
علياء:يلا ايه
إياد:اقفى هناك علشان اصورك
علياء: لا انا مابحبش اتصور ديما بطلع في الصور مش حلوه
إياد:ده لو الكاميره ماطلعتكيش حلوه اكسرها
علياء:هههههههه
علياء وقفت تتصور وإياد قاعد يصورها صور كتير وعلياء شافت الصور اللى هو مصورها ليها وكمان شافت الصور اللى عند الجده زهره وعجبوها جدا
بعدين قعدو شويا يحكو مع زهره وهى حكت لعلياء عن قد ايه إياد كان طفل شقى جدا
فى نهاية اليوم إياد وصل علياء البيت
مامت إياد اتصلت بيه
إياد:الو ايو ياماما وحشتينى جدا
فيروز :وانت كمان ياحبيبى
إياد:اخبارك ايه
فيروز :كويسه جدا وانت مختفى فين اليومين دول
إياد: يعنى الجامعه واخدنى
فيروز :الجامعه ولا الناس اللى فى الجامعه
إياد: قصدك ايه؟
فيروز :انت عارف انا كنت بكلم مين دلوقتى فى التليفون .. نينا زهره
إياد: خلاص كده ضمنت ان الخبر نزل فى نشرة تسعه
فيروز :كل ده علشان انا عرفت انت ماكنتش عاوزنى اعرف ولا ايه
إياد:لالالا ازى ياماما بس كنت انا اللى عاوز اقولك
فيروز : علشان تفكر تخبى عليا حاجه تانى
إياد: هتفق معاها فى يوم ونتغدى انا وانتى وهيا مع بعض
فيروز:اوك وانا هستناك تكلمنى وتقولى على اليوم…..سلام
إياد:سلام
وتانى يوم إياد اخد علياء الكليه وفضلو يطلعوا مع بعض كل يوم بعد الكليه لحد يوم حفلة العيد ميلاد
التعديل الأخير تم بواسطة مصراوي ; 12-05-2016 الساعة 03:33 AM
يوم العيد ميلاد علياء اخدت ليلى وراحو يشتروا فستان وكمان للكوافير زى ما وعدتها
علياء: ايه رايك فى ده
ليلى :بس ده كت
علياء:خديه جربيه هيكون حلو عليكى
ليلى تمسك الفستان:لالالالالا بلاش
علياء:ده عيد ميلاد هتزعلينى يعنى وبعدين اللون الاحمر هيطلع حلو عليكى بدل الغامق اللى انتى عايشه فيه ده
ليلى :بس انا مش ممكن اللبس ده
علياء:خلاص ده قرار هتلبسيه بس ورينى عليكى هيبقى ازاى
ليلى تقيس الفستان
علياء:ايه الحلاوه دى كلها هو عيد ميلادك ولا عيد ميلادي
ليلى:بجد حلو انا حاسه انى شبه الطمطمايه
علياء:طمطمايه ؟! ايه التشبيهات الغربيه دى
ليلى:يعنى حلو
علياء: والله جميل جدا حتى اسالى البنت دى ….ايه رايك فى الفستان عليها (تسال بنت واقف بتشترى من المحل)
البنت :حلو قوى عليكى
علياء:صدقتينى يلا بقى غيرى ورانا حاجات كثير
تدخل المحل ريم صاحبت علياء وليلى
ريم: ايه ده انتو بتعملو ايه هنا
علياء: كويس انك جيتى قولى لليلى رايك فى الفستان
ريم : ورينى كده …لفى …..يعنى كويس انتى هتحضرى بيه الحفله النهارده
ليلى: ايو بس شكله مش عاجبك
ريم :لا …يعنى بس اصله مبينك تخينه شويا
علياء: ازى ده حلو جدا عليها
ريم: يمكن بس ده رائي ….علياء انا كنت عاوزكى فى موضوع
علياء: موضوع ايه
ريم : لا تعالى نتكلم لوحدنا
ليلى: طيب انا هغير هدومي
علياء: تمام ولما تخلصى بصى فى المحل تانى لو فى حاجه لفتت نظرك على ما أجى
علياء وريم خرجو يتمشو بره المحل
ريم : انا كنت عاوزه اسالك ايه اللى بينك وبين إياد
علياء: وده يخصك فى ايه
ريم:انتو صحيح بتحبو بعض .!
علياء:انا عاوزه اعرف انتى مالك
ريم:يعنى اصلى استغربت ازى فى يوم يكون كل الجامعه بتتكلم عن إياد وليلى وبعد يوم تدخلى انتى وهو ايديكم فى ايد بعض الجامعه
علياء: محدش قالك قبل كده انك حشريه جدا
ريم: انتى اضايقتى ليه انا بستفسر بس
علياء: الموضوع مايخصكيش خالص ….بس انال هقولك علشان انا مابعملش حاجه غلط …ايو انا وإياد بنحب بعض
ريم: طب وليلى
علياء: انا مش عارفه انتي بتدخلى نفسك فى حوار انتى ملكيش فيه ليه
ريم :عادى احنا زمايل وبطمن عليكم
علياء:لا اطمنى ….ونصيحه منى خليكى فى حياتك وسيبى كل واحد فى حياته
ريم : ونصيحه ليكى انتى كمان خدى بالك من إياد …ده صاحب مصطفى وانتى ماتعرفيش يعنى ايه مصطفى
(علياء مشيت وسابت البنت
فى الوقت ده كانت ليلى طلعت من البروفه واول لما طلعت قابلت فيروز )
ليلى: ازيك ياطنط
فيروز تمام …ازيك ياعسل …ليلى مش كده
ليلى:ايو
فيروز : امال فين علياء
ليلى: هى هنا بس طلعت تعمل حاجه وجايه ….صحه حضرتك عامله ايه فى تحسن مع الدواء وكده
فيروز :انا تمام بس دواء ايه؟
ليلى: هو إياد كان قال لنا على الرحله العلاجيه اللى حضرتك لسه جايه منها و….الظاهر ان حاضرتك مش حابه حد يعرف انا اسفه ….بس هو إياد والله ماكانش عاوز يقول احنا اللى الحينا عليه
فيروز :لا عادى انا بس عاوز اعرف هو قالكم ايه بالضبط
ليلى: هو احنا لما سألناه انتى مكنتش بتحضر ليه حكى لنا لما كان بياخد باله من حضرتك وانتى تعبانه وانه استغل فرص ان حضرتك مسافرة للدكتور يعني وقال انه لازم يعملك مفاجئه انك تلاقيه قدر يحصل اللى فاتو فى الدراسه …..إياد بيحبك جدا ياطنط
فيروز(شكلها اتغير):اه فعلا ….وانا كمان
ليلى : ربنا يخليكم لبعض
علياء: هاى ازيك ياطنط
فيروز : انا تمام وانتى
علياء:تمام ..انا جايه من بعيد عماله اقول هيا ولا مش هيا
فيروز :انا هستأذن علشان تعبانه شويه
علياء: مالك ياطنط ..حاسه بايه …اوديكى للدكتور
فيروز :لا ده شوية صداع
علياء: طيب اطلب لك إياد؟
فيروز :لا العربيه والسواق بره
علياء:طيب انا هوصلك
فيروز : مفيش داعى
علياء:لا لازم(تتطلع معها توصلها)
فيروز :انا مبسوط جدا ان إياد بيحب بنت زى العسل زيك
علياء(مكسوفه):شكرا …النهارده حفله عيد ميلادي لو ممكن تجى تحتفلى معانا بيه
فيروز :كل سنه وانتى طبيه …بس معلش انا مش هقدر اصلى مشغوله جدا
علياء: خساره كان نفسى تيجى
فيروز :ان شاء الله قريب جدا….انا عازماكى انتى وإياد نتغدى سوا مره
فيروز وصلت العربيه وسلمت على علياء ومشيت
علياء رجعت لليلى وعلياء اختارت فستان حلو جدا واشترو هما الاتنين الفساتين وراحو على الكوافير وبعدين روحو البيت علشان يجهزو
باليل فى العيد ميلاد كل الناس جت ومستنين علياء وليلى كانو حلوين جدا
احسان: كل سنه وانتى طيبه ياحياتى
علياء: وانت طيب يا احلى اب فى الدنيا…انا عاوز اعرفك على اصحابى فى الجامعه…دى ليلى
احسان: سمعت عنك كتير ..اتشرفت بمعرفتك
علياء: وده يوسف
احسان :اهلا اتشرفت بيك
علياء:وده بقى إياد
احسان : اهلا وسهلا
علياء:ولسه فاضل مصطفى بس ديما بيتاخر
• علياء بتسلم على الناس اللى فى الحفله وليلى وقفه مع يوسف و إياد قعد يتكلم مع احسان بيه
مصطفى ديما اخر الواصلين …لما دخل الحفله شاف إياد واقف مع احسان رح عنده
مصطفى :هاى
إياد: ديما متاخر كده ….ده بقى مصطفى باشا
احسان: اهلا انت برضو زميل علياء فى الكليه
مصطفى:ايوه …طيب فين علياء علشان اقولها كل سنه وهيا طيبه
احسان :هتلاقيها بتسلم على الناس
إياد:بعد اذنك هاخده يسلم على علياء
احسان : اتفضلو
إياد ومصطفى بيدورا فى الحفله على علياء
مصطفى :مش ده يوسف برضو …يوسف ازيك
يوسف :تمام …ايه فينك مش بتيجى الكليه مع إياد ليه
مصطفى:انت فاكرنى مجنون زيوه
يوسف :مش هتتغير ابدا
إياد:ليلى فين علياء
ليلى :معرفش كانت هنا من شويا
مصطفى : انتى ليلى مش ممكن …دى طلعت بنت ههههه
ليلى:انا صحيح متانقه النهارده بس لسانى جبته معايا
مصطفى:لا كده يبقى انتى ..اكيد الكوافير تعب جدا علشان يوصلك للحاله دى
إياد:وبعدين انتو هتتخانقو هنا كمان
علياء: ايه مبسوطين ياجماعه
مصطفى: بس الميوزك مش حلوه شويه
علياء: مصطفى ديما معترض هههههه
إياد: انا عاوزك شويه ياعلياء
• إياد قال لعلياء انه عاوز يعرف بابها انه بيحبها وانه مافيش وقت احسن من دلوقتى وراحو هم الاتنين يقول له و احسان قال لهم انه مش هيعرف يرد عليهم فى الموضوع ده دلوقتى
• كل الناس اللى فى الحفله استمتعو جدا ولما خلصت الحفله
إياد: ليلى يلا علشان اوصلك فى طريقنا
ليلى: اوك ماشى هجيب شنطتى
مصطفى :وانا هسبقك على اليخت
إياد:اوك
علياء: اليخت انتو لسه هتكملو السهره
إياد: من زمان ماقعدناش مع بعض انا هبات هناك النهارده
علياء:اوك ماشى
إياد:بحبك
علياء: وانا كمان
إياد:وانتى كمان ايه .هو انا عمرى ماهسمعها خالص
علياء(مكسوفه): خلاص بقى انت عارف
إياد:لا انا مش همشى لا لما اسمعها
علياء:إياد خلاص بقى بابا بينادى
إياد يمسك ايد علياء:مش هتمشى لا لما تقولى
علياء(بصوت منخفض): انا كمان بحبك
إياد: ايه لا انا مسمعتش ماتتحسبش
علياء: بحبك
إياد: اخيرا
ليلى : انا جهزت
إياد: اوك يلا بينا…تصبحى على خير ياحبيبتى
علياء: وانت من اهل الخير ….اطلبنى لما توصل
إياد وصل علياء المدينه وبعدين راح عند مصطفى
فى اليخت
مصطفى : كان يوم حلو الواحد شاف ناس ماشفهمش من زماااااااااان
إياد: اه
مصطفى:اه ايه انت مكنتش معانا اصلا طول الوقت مع علياء وبابا علياء
إياد: انت بتغير منى ولا من علياء يابومبو
مصطفى : اغير ايه ياهبل انت …انا بس مش حاسس انك صاحبى اللى انا عارفه
إياد: فى دى انت معاك حق ..علياء غيرتنى خالص بقيت بحب الدراسه وعاوز اخلص الجامعه و اشتغل واحقق نفسى …بقيت بخطط لقدام و بحلم بانى افضل معاها على طول ويبقى عندى اولاد و..
مصطفى: ايه ايه انت سرحت بعيد جدا بس انت خلص الكليه وبعدين يبقى احلم
إياد:انا ماكنتش فاكر انى ممكن احب حد كده…انا فعلا بحبها جدا
مصطفى:احنا هنفضل طول الليل نتكلم عن علياء ……لا انا هقوم انام احسن
إياد:خلاص هحاول اغير الموضوع…..بس اصل الوقت اتاخر وانا رايح الكليه الصبح
مصطفى: الليله باظت ..مش قولتلك انت اتغيرت
إياد: تصبح على خير يامصطفى
مصطفى: وانت من اهله
• فى نفس الوقت فى بيت علياء فى اوضتها …احسان على الباب
احسان: اميرتى لسه صاحيه
علياء: صاحيه اتفضل يابابا
احسان : انا كنت عاوز اسالك عن التصريح الكبير اللى سمعته النهارده
علياء: انا بصراحه مكنتش هعرف انام الا لما اكلمك فى الموضوع ده..انا عارفه انك كانت عاوز تعرف مني انا الاول مش من إياد
احسان: انا سامعك اهو وعاوز اعرف اصل الموضوع
علياء:إياد ده زميلى فى الجامعه وهو..
احسان :انا عرفت كل حاجه عن إياد انا عاوز اعرف ايه احساس بنتى انا
علياء:بصراحه إياد شخص طيب ويتحب
احسان: يعنى انتى بتحبيه
علياء(مكسوفه):ايو يابابا
احسان :شكله ولد كويس وانا كمان حبيتو
علياء: بجد يابابا
احسان: انتى مالك مبسوطه قوى كده ….شكلك بتحبيه جدا..قولى له انى موافق انه يدخل العيله
علياء (تبتسم): شكرا يابابا
احسان :تصبحى على خير
علياء:وانت من اهل الخير
• علياء فكرت تتصل بإياد وبعدين قالت لنفسها اكيد هو مشغول مع مصطفى هابقى اكلمه الصبح
فى الصباح علياء اتصلت بإياد بس هو ماردش ..قالت لنفسها احسن اعمل له مفاجئه واروح عنده
اما إياد اللى كان نايم فصحي على صوت بنت بتنادى
سهر:مصطفى ….مصطفى(تدخل وتجد إياد)
إياد: مصطفى جوا
سهر:إياد ازيك وحشتنى جدا… فينك من زمان
إياد:يعنى كنت مشغول شويا….مصطفى جوا ادخلى له
سهر :لا خليه نايم انا هقعد معاك على مايصحى
إياد:لا اصلى عندى مشوار
سهر: يعنى هتسبينى لوحدى
إياد:طيب انا هدخل اصحى لك مصطفى
سهر:لا خليه نايم …انا وانت ماقعدناش مع بعض من زمان
• علياء لبست وراحت لإياد ولما قربت من اليخت شافت فيروز دخله اليخت بس مالحقتش تكلمها
فيروز دخلت على إياد وشافت سهر وهى بتحضنه
فيروز :ايه اللى انا شايفه ده …مين دى
إياد: ماما …؟….لا انتى فهمتى غلط
فيروز :انت كل يوم مع بنت ولا ايه ……..انا من زمان شاكه انك بتعمل حاجه غلط بس كنت بكدب نفسى
إياد:انا ماعملتش حاجه غلط
فيروز : لما قولتى انك بتحب بنت قولت الحمد لله اخلاقه هتتحسن بس متوقعتش انك تكون بتخدعنى وتخدعها كمان
إياد: ياماما سهر دى تبع مصطفى
فيروز:طيب وانك كدبت عليا قولت انك بتروح الجامعه وانك طالب مجتهد والحقيقى انك كدبت على البنات وقولتهم انى عيانه علشان تخليهم يساعدوك…من يومين تقولى انا بحب علياء ودلوقتى اشوفك مع غيرها ..حتى علياء البنت الغلبانة دى بتكدب عليها..بس انا ممكن اتوقع ايه من واحد ادعى على مامته المرض انا مش مصدقة انك ابنى
إياد:اسمعينى بقى ياماما انتى طول عمرك شاكه فى لدرجة انى انا نفسى بداءت اشك فى نف…
علياء تدخل عليهم
إياد: علياء…؟
علياء: ايو وانا سمعت كل حاجه ………
——————————————
ياترى ايه اللى هيحصل هنعرف فى الحلقه اللى جايه