اعذب الشعر اكذبه 000 والحبّ اصدقْه الجنون
========واجمل الاحساس يوم انّك تحس انّك غبي
إي غبي 000 يعني اذا طفله على عقلك تمون
=======لو تشاور لك بطرْف الاصبع ابتيجي حبي
إي غبي 000 يعني اذا ما عدت تعرف من تكون
======إي غبي لا صرت من عقب الركازه كالصبي
قلت يا عقلي دخيلك لا تقلّب بالظنون
=======ملِّ لي كاس الهوى ما دام نبعه مشربي
والله انّي تارك الرحله وخلْهم يزعلون
======والله انّي صرت افضّل جلستي في مكتبي
مكتبي يا صاحبي لتْقولْ احبابي نسون
=========قلّهم يا مكتبي انّي رجعت الْ ملعبي
فارقدي يا طفلتي ما بين عيني والجفون
======وامرحي ما بين الاضلاع السقيمه وارحبي
واشرقي في ليل همّي لوّنيه ابْ ألف لون
=======واسكني داخل خفوقي يا حياتي والعبي
@ انّني ما زلتُ طفلاً يرتجي قلباً حنون
=======يختفي في ذلك الجسم العريضِ المنكبِ
@ارشفي منّي حنيني وارشفي دمعَ العيون
========اين ما يحلوا لكِ صبّي مدامي واشربي
@لا تخافي الامسَ حتّى لا تخافي ما يكون
=====واعبثي في حاضري وتشيطني000 لا تتعبي
امطريني بالغلا يا كيف هتّان المزون
=====واحضنيني واعشقيني واجعلي قلبي happy
قلبي اللي ممتلي آهات وآلام وطعون
=======قلبي اللي عاش في دنيا السعاده اجنبي
احضنيني في حنانك كلّ آلامي تهون
=========سطّريني في كتابك واكتبيني واكتبي
لا يهمّك هرج عذّال الهوى ما يفهون
=======اشعلي نار الحواسد في حطبهم وانشبي
المجرّب والخبير وجاهلٍ ما يستوون
========اتركيهم واركبي موج الهوى في مركبي
انتي الْ وحدك بكوْن وباقي العالم بكوْن
========والله انّي طوع امرك طوع قلبك وش يبي
دام حبّي في نظرهم يعتبر لحظة جنون
========والله انّي بآتشرّف لو يقولوا لي غبي
تحياتي ســـحاب
ساعد في نشر والارتقاء بنا عبر مشاركة رأيك في الفيس بوك
« آخـــر الـــمـــشـــاركــــات »
13-08-2011
