يابوي ليه تبكي كل ما شفتك وعينك لي * * *اخاف اموت يابوي وقبل الموت تبكيني
تكفا يابوي لاتبكي وانا موجود معك وحي * * * اجل بعد الرحيل وشلون في قبري توطيني
يابوي لو تموت الناس ماتسوى دموعك ذي * * *وانا يابوي ميت قبل لأموت وانت محييني
قسم بالله يابوي لاجل عينك سلمت الغي * * * زرعت الهم والحرمان وبحر الويل يسقيني
تحملت السنين اللي طوتني في عذابي طي * * *وصار الجمر في كفوفي وتحت أقدام رجليني
يابوي ماعلى عمري حسافه ولا بقى فيني شي * * * ولكن بأطلبك يابوي تكفى لاتخليني
يابوي مابي غيرك يغسل جثتي بالمي * * *وتكفى قبل لااتكفن يابوي فك لي عيني
يمكن المحك وارحل في عيني ضي * * * وا اودع وجهك الطاهر مع دنياي وسنيني
وخل الناس تحملني وترفع راسي ورجلي * * * وتاخذني على قبري وتكسب اجرها فيني
واذا جيت القبر يابوي نزلني شوي شوي * * * ووجهني لبيت الله وقبلة المصلين
وحط الطين وادفني وعز اللي يعزي فيني * * *ثلاث ايام يابوي يجونك المعزيني
ورابع يوم يابوي تذكر ضحكتي وعيني * * * تذكر ويش كنت أقول يوم انك تناديني
تذكر يوم كنت انام في ضل النخل والفي * * *تجي يمي تصب الماء على وجهي تصحيني
تذكر جرة الموال وصوتن في حباله تي * * *تذكر يوم اغني لك قصيدي وانت توحيني
تذكر اضحكتك لاقلت يابوي عشقك لي * * * تذكر كم قصيده خافيه ما بينك وبيني
تذكر كل شي كان واذكر يوم اجابر حي * * * ولكن اسألك بالله يابوي لاتبكيني
ساعد في نشر والارتقاء بنا عبر مشاركة رأيك في الفيس بوك
dhf,d gdi jf;d
dhf,d gdi jf;d dhf,d gdi jf;d
« آخـــر الـــمـــشـــاركــــات »
16-06-2011
