كيف ترحل عن حياتي .. ياجنونك ؟!!
وين أبلقى .. مثل قلبك ، وأرتجافه
ماهقيت تشّح .. وانا أطلب مزونك
ضل صدر الشوق .. يستأحش جفافه
انثنت في .. وجهي الشاحب غصونك
والسهُر مـ آعلن .. عن العين انصرافه
هو كذا .. ترحل وتترك لي طعونك ؟!!
شكراً لـ قلبي .. على حسن الضيافه
يوم أبي وصلك .. تبعت أردى ضنونك
وانت ذنب .. إصعب على البعد اقترافه
ماخذيت من البعاد .. إلا سكونك !
وماجنيت من العتاب .. إلا الكلافه !
كل ماتعزف لي الفرقى .. لحونك
مقبل معاتب مقفيها .. بـ حسافه
يوم عذالي .. علي يعايدونك
جيت اعايد حبك ، بـ ليلة زفافه
كيف أبتخيل .. صباحاتي بدونك ؟!!
صوتك الدافي ، وكوبك وآرتشافه
شوفني بعدك غريب .. بـ وسط كونك
وإن ذكرتك قلت .. ياطول ، المسافه
قلت لك .. من قبل ، لا ترحل عيونك !
انت أول .. شخص بالدنيا " آخافه " !
ساعد في نشر والارتقاء بنا عبر مشاركة رأيك في الفيس بوك
a;vhW : grgfd >> !
a;vhW : grgfd >> ! a;vhW : grgfd >> !