من كان له حيله .... لزوم ابيحتال
واللي يجي قاصي فلاهو بداني
من عافنا عفناه .. حرمه ورجال
واللي يبينا له شريت وشراني
ما كل زول لو مشى وسط الأزوال
يعجبك في زينه ولو هو اجناني
العقل نعمه حطها عالم الحال
وكلن على ماقيل قدر ومكاني
ما كل من رام المعالي لها نال
واللي رضا بالهون عيشه هواني
والحر حر وماكره روس الأجبال
والبوم وكره فوق جيفة حصَاني
منهو يهوزالناس مخطي وعيال
واللي يعيل بغير حقه يعاني
الناس فيها طيب وبالناس محتال
وبالناس معروف خبيث وجباني
جيت بسهوله صورتك مثل تمثال
ومثل الخيالي تهتويه الأماني
وش ذنب عيني هلت الدمع همال
وش عذر من بهدل حياتي وكياني
أنا الذي خاوى السهر وأشهب اللال
متمسك ابعهد الوفا يوم صاني
حافظ وأنا مثلي غدا العهد خيال
ماسك خطامه لوجمح ما رماني
حديتني لأقصاي وظلمك علي اخبال
واشلون ترضى وانت للعهد خاني
ماني بمنهو لا لقا الحمل ما شال
أشيل شيل ...... ما تشيله يماني
أنا عزيز النفس من نسل رجال
بالحيل للغلطه حشا ما أداني
أملى الفقير بكيل من غير مكيال
يالله عسا لدرب الهدايه اتهداني
أحب ممشا الطيب ولا أخاوي أنذال
وحلفت ماانصى واحدن ما نصاني
خليت لك عيني عن الضيق منزال
ولو انك اللي .... باللهايب كواني
مالي ابغيرك لا ولاهي على البال
وجرحتني وسميت قلبي أناني
أمشي على دربك لو الدرب بي طال
حبك بقلبي باني ..... لك مباني
لاشفت زولك حشمتك طيب واجلال
واليا حصل حبك تراهو كفاني
شوفك بنون العين شاطي وموال
خابرك لي الروح وروحك زماني
ان كان جيتي مرحبا طلة اهلال
بشر بدو بظهور سهيل اليماني
أحب من حبيت ولو كان عذال
أبشرابعزك كان وقتي عطاني
أجيك بحرن زاخرن شوق وآمال
موجي رسى بك وانت شاطي حناني
سليل من بالطيب ماضي له افعال
أتعب على العليا ولا أرضى الطماني
أهلا هلا بعداد ماهل همال
أجمل بلى شفته بك الله بلاني
ساعد في نشر والارتقاء بنا عبر مشاركة رأيك في الفيس بوك