فوطه او ثوب نوم ،، الى متى يا اخواني ...
بسم الله الرحمن الرحيم
السلام عليكم ورحمة الله وبركاته ..
بدون مقدمات بتكلم بالموضوع على طول الى متى يا "بعض" ابناء جازان وعدم اهتمامكم باللبس والمظهر ؟؟؟
دايم اشوف في المولات والمطاعم ناس يا لابسيين فوطه او لابسيين ثوب نوم ليه كذا والله هالشيء يجيب لنا السمعه السيئه تعرفون ان فيه ناس يزورون المنطقة ويروحون هالمولات والمطاعم بالله اذا شافوكم لابسيين كذا وش راح يقولون هذا غير الاجانب وش راح تكون نظرتهم للمنطقة وابناءها وهم بهذا الشكل اتمنى ياخواني ان تتركون هالامور السيئه واللي تجيب لنا الكلام وتشوه سمعة منطقتنا ، يااخي البس ثوب او البس بدله رياضية تكون انيقه والوانها متناسقه عالاقل واي اسره تروح لهذي المولات او المطاعم ومعهم كبير بالسن حاولوا فيه وبكل اسلوب حلو انه يلبس ثوب وايضا الاولاد الصغار لبسوهم شيء حلو وحاولوا تعودونهم على هذا الشيء عشان يكبرون وهم مهتمين في انفسهم واتمنى من شبابنا كبار وصغار ان يكونوا قمة في التعامل والانضباط اثناء تواجدهم في هذي الاماكن عشان يعكسون صورة حلوة للمنطقة ، بعدين انا ابغى افهم ليه اذا طلعتم برى منطقة جيزان تصيرون قمة في كل شيء واذا رجعتم لجيزان تغيرتم 180 درجة اتمنى تفكرون في هذا الشيء ...
واخيرا يعلم الله ماكتبت هالموضوع الا لحبي لجيزان واهلها وابغى نكون يد وحده ونرتقي بمنطقتنا ونخلها افضل منطقة بالمملكة ...
تحياتي ..
بارك الله فيكم / الكاتب .....أبو رامز
ساعد في نشر والارتقاء بنا عبر مشاركة رأيك في الفيس بوك
انتقاد ووجهة نظر صائبة أبو رامز والله جميل يحب الجمال ويحب أن يرى نعمته على العبد وسبق أن سمعت عن قرار يمنع أصحاب الملابس القصيرة والبجامات من الدخول للمستشفيات وخفت هذه الأمور بعد ذلك
الموضوع رائع بقدر روعة قلمك.
أخي أبوضياء إن البعض من الناس ثوب النوم لبسه الرئسي في حله وترحاله ومعروف بهذا الهندام وهذا قد نغض عنه الطرف والبعض عندما يرجع إلى بيته من عمله أومن زيارة لشخص أوأسرة مهمة خلع ملابسه الأنيقة ولبس ثوب النوم حتى إنه يذهب به الى المسجد لمقابلة ربه وعندما تكلمه قال أليس الصلاة فيه صحيحه نحن نقول له صحيحه ولكن نقول له أنسيت قول الله تعالى(خذوا زينتكم عند كل مسجد) أي من أحسن اللباس الذي عندك - فيه شخص صلى بثوب النوم في المسجد وعندما خرج قال له أحد أصدقائه ممكن تذهب معي لزيارة فلان قال انتظر قليلا أغير ملابسي وأذهب معك قال له صديقه ولبسك هذا قال عيب أقابل الرجال بهذا اللبس قال له صديقه أليس قبل قليل قابلت به ربك ومن هو الأولى أن تتزين له في لباسك قال الله وبعد هذا الدرس الجميل من صديقه الزم نفسه بأن لايقابل ربه إلا بأحسن ثيابه - لك تحياتي وتقديري
أخي أبو ضياء طرحك في غاية الروعه وفي محلة ومنظر يرثى له
واضافت الآخت عنيده شافيه وكافيه أسأل الله أن يثيبها الجنه
===========
وقبل المولات والمطاعم بيوت الله التي يدخلها كثير من الناس بثوي نوم أو فنيلة وفوطة وكأنه داخل بيته وليس بيت الله فأين هم من قول الله عز وجل : ( يا بني آدم خذوا زينتكم عند كل مسجد
« آخـــر الـــمـــشـــاركــــات »
01-06-2012
