مرثية الامير / نواف بن فيصل في الدتة..
سبع وخمس سنين ياهي مريرة
مابين خسف صاب دنياي وكسوف
يوم انطفت شمس الجزيرة ظهيرة
وعني رحل فيصل وعجة ظروف
صارت حياتي لكل الاهات ديره
وكنت الحزن كله تعابيروحروف
ودعت ابوي ولابقالي قلب غيرة
الاخفوق كنت دوم بة محفوف
حضن الامان اللي وهبني ضميرة
واللي سقاني كل طهر ومعروف
واصدق شعور لفني في حريره
واحن صدر ضمني واعذب وصوف
أمي ,بكل الأوصاف توصف كبيره
ومن غيرها يقدر يبردعلى الجوف
بنت السمو اللي زهت به مســــيره
وأم الجريح اللي من العمر محــــذوف
سبت فجعني والمنايا شطيــــــره
وحتوف لاحل القدر طاحت سيوف
سبت لحق سبت وتاهت بصيره
ورجعت أون ,وعود الوجه مخطوف
اصيح وأشهق والسعيره سعيره
ويارب صبرني ...يارب ملهوف
فقدتها يارب هدي السريره
ماابتل ريقي وينها؟ وياضما روف
كن القمر من عقبهامات طيره
وتوشح ثياب الكدر واقبل خسوف
عزا وعزتني صفوف كثيره
ومافهيم اللي رد صبح لمكفوف!
ماعادت ديارالسهاري منيره
ظلما هنا وهناك .والباقي طيوف
وذكرى تزلزلني ودمعه غزيره
وطفل يتيم هده البعد والخوف
مكسورولاتنفع بكسره جبيره
مقهورمابيده ولاشئ مكتــــــــوف
لبست ثياب احرام عمره اخيره
وصار الكفن في عرش رب السما يطوف
ربي يتقبل نــــــــــــــيتك يالفقيره
وحنا برجوا خالق العالم ضعوف
يمه:صمت, وموجعــات عسيره
وضيقه ورا ضيقه,وهم,وعاصـوف
يمه:وداع ,وخيرة الله خــــــــيره
وفي ذمة الله كلنا بـأرضه ضيوف
أقول وش أقول :راحت (منيره)
يعني فقدت النبض والسمع والشوف
ساعد في نشر والارتقاء بنا عبر مشاركة رأيك في الفيس بوك
lvedm hghldv L k,ht fk tdwg td hg]jm
lvedm hghldv L k,ht fk tdwg td hg]jm lvedm hghldv L k,ht fk tdwg td hg]jm