هذا هو عنوان الأبيات الشعرية التى أضعها بين يديكم اليوم .. التى أحاول فيها أن أصف بعض الناس من حيث الموجب والسالب ، الجيد والردئ ، الخير والشر .... التي فيها تجتمع معا على اختلاف أقطابها لتكون النفس البشرية ...
نــاس ونــاس
طول ما أنت في الحياة
هتقابل ناس وناس
ناس على كل لون
أبيض أسود كاروه
بين درجة لون ولون
تظهر عدة وجوه
تلمح منها النفوس
الأبيض لون الملايكة
الأسود لون الشرور
والناس بين اللونين
حكمة رب الوجود
ناس ترفض كلمة جارحة
وناس تقبل بالمذلة
ناس تركب موجة عالية
وناس تغرق في شبر ميه
ناس عينها شايفة بكرة
وناس تبكي علي فاتها
ناس تقول الله أكبر
وناس تقول كان غيرك أشطر
ناس تطير من غير جناح
وناس قيودها تمنع كفاح
ناس تواجه كل الصعاب
وناس راسها جوا التراب
ناس تعيش رغم الممات
وناس تموت في الحياة
ناس عقولها واهبة حلم
وناس إيديها سارقة حق
ناس تبني برج عالي
وناس تهد أقوى العزايم
ناس ضميرها صرخة ميلاد
وناس ضميرها مات من زمان
ناس كتير تشبه ملايكة
وناس شرورها غلب الشيطان
لكن الحقيقة أكبر خيال
جوا الشيطان ساكن ملاك
ومن الملاك خارج شيطان
إياك تظن إن الوجوه
لونها ثابت طول الوجود
شكل الوجوه من ألف لون
كل لحظة يرسمها لون
واللون مغير شكل الوجوه
أصل التغير سر الوجود
م\ن
ساعد في نشر والارتقاء بنا عبر مشاركة رأيك في الفيس بوك
« آخـــر الـــمـــشـــاركــــات »
06-07-2014
