ودي ولكن كيف تحقيــق ودي...عيا زماني لا يجي لي على الكيف
لقيت من وقتي عناد وتـــحدي...يمرني عــــمري مثل عابر الطيف
ياما تمنــيت الدقايـــق تهــدي...وياما تمنـــيت الـشتا ينقلب صيف
ظلم الليالي مع نصيب متردي...تجمعوا واصبحت انا عندهم ضيف
غديت تايــه دمعتي فوق خدي...دمعـة يتــيم لـــوعته الــــصواديف
فصلت من خام الشقا ثوب قدي...كســيت نفسي بالعنا والتحاسيف
لقيت من حبــيت عني يصدي...والسالــفه راحت وصارت سواليف
قلبي ومحبوبي مع الوقت ضدي...يهون قــــلبي عند صد المواليف
يا نفس لأيام الجفاف إستعدي...موتي قهر والا على ضربة السيف
من اجمل ما قرات ونقلت لكم
للشاعر ناصر القزلان
ساعد في نشر والارتقاء بنا عبر مشاركة رأيك في الفيس بوك