قصيدة حسبي على العسكري للشاعر متعب العتيبي
. وقفّني العسكري وانا حريصٍ منه
اثرني اسرعت من شوقي وانا مادريت .
. ثم قال يالله على التوقيف مابه عنه
والله لتروح له حتى ولو مابغيت .
. ثم قلت يابن الحلال مخالفه ممكنه
لو ماورايه ظروفٍ غاصبه ماسريت .
. وراي موعد وانا منتظره إلي سنه
ضحك وقال انت اظنك ساريٍ للكويت .
. يالله على الجيب قوم اطلع بلا كنكنه
تجاوزالانظمه وانا معك ماخطيت .
. ثم حطني عند هندي ريحته منتنه
في داخل الحجز والله ماربحت وهنيت .
. 24 ساعه حالتي محزنه
ماغمضت عيني ولاذقت الهنا والمبيت .
. هو يحسبنه بفعله كاسب إله احسنه
مايدري ان من اللي صار ضعت وعنيت .
. ضيّع علي الفرح بفعلته ودفنه
موعد حبيبٍ لجل عينه عزمت ومشيت .
. لويدري ان الغلا في قلبي إله أزمنه
ان كان قال اكمل المشوار لاجلك عفيت .
. ولوهوعرف فرحة الغالي ماكان اغبنه
ماكان سيّل دموعه واحرمه لايبيت .
. ولوهو سمع صوته اللي بالهوى يعلنه
ماردني يوم أقول اظروف فيها ابتليت .
. مكتوب ياصاحبي والوقت مانضمنه
وأنا من جروحي الاولى حشا مابريت .
. حسبي على العسكري واللي علي اشحنه
حلمي تحطّم وانا من صدمتي ماصحيت .
ساعد في نشر والارتقاء بنا عبر مشاركة رأيك في الفيس بوك
psfd ugn hgus;vd
psfd ugn hgus;vd psfd ugn hgus;vd