السلام عليكم ورحمة الله وبركاته
هذة مواقف قراتها واعجبتني حبيت انقلها لكم تونس صدوركم
تقول وحده من الأمهات .. كنت معزومه على حفل عشاء فأخذت ابنتي الصغيرة معي ، فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟ فضحكوا عليه الحاضرات.. ------------------
والثانية ... جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع ..... (خلاص أبفتحها شكلهم بينامون عندنا) !!!!
------------------
وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال
ريحة رأسها شينه !!! -يقصد الحناء- شوفوا الإحراج اللي صار لي ..!!!
كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها
عيب ردت وقالت شكلها شغالة
------------------
أستعرت من أختي شنطه ورحنا لحفله ومعنا بنتها ولما وصلنا وخلعت عبايتي حتى شافت بنت أختي الشنطه ... قامت تسحبها بقوة
وهي تقول (حقت ماما هاتيها ) !!! وأنا أحاول أسكتها... !!!
موقف حصل لأختي عند أهل زوجها ,,
,,هي استعارت مني شنطه لونها كحلي ..
تقول واحنا جالسين نسولف وولدها جالس جنبها ..تبغى تصرفه من عندها ,, قالت له روح حبيبي جيب شنطتي
راح بعدين رجع
قال ..ما عرفتها
قالت ..الكحليه ما في غيرها ..
المهم تقول مرتين يروح ويرجع ..ما عرفتها ..وما عرفتها ..وهي توصف له ..
بالأخير عرفها ..
راح بعدين رجع ...قال ..قولي من اول انها شنطة خاله نوف مو تقولي شنطتي ..
------------------
و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي ... راح ولدي دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها ....!!!
------------------
وحده تقول ...بنتها دايم تحرجها بنقل الكلام قدام الناس – هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي :
يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ...!!! تقول الأم : صار وجهي مية لون ..!!!! ويوم سمعت جارتي هذا الكلام زعلت وطلعت من البيت ....!!!
------------------
تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا
اسم أمي فاطمة , ايش اسم أمك انت ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة .!!!
------------------
في المدرسة ...كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتلكس والبريد الجوي والفاكس فرفعت إحدى الطالبات الصغيرات يدها وقالت: أبله حنا عندنا فاكس في البيت عند جدتي وتستعمله كل يوم....!! فشجعتها المدرسة على إكمال حديثها وقالت: وكيف تستخدمونه؟؟؟ فقالت الطفلة: تدهن به جدتي على جبهتها...-
البنت بالطبع كانت تقصد دهون الفكس- ....!!!!!
------------------
أيضاً في المدرسة ...طفلة في الروضة كانت تعبث بأنفها أثناء الحصة ... فانتقدتها المعلمة وقالت لها استعملي المنديل عيب اتسوين كذا فأجابت الطفلة لا مو عيب !! بابا يسوي كذا !!!!
------------------ دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع فرد الطفل بلهفة لإنقاذ أمه من المأزق ....
((لا تحطين لها صحن ثاني ترى بابا يقولها لا تكثرين أكل انتفختي )) !!!
ساعد في نشر والارتقاء بنا عبر مشاركة رأيك في الفيس بوك
ههههههههههههههههههههههههههه عنجد لما تطب في طفل ملقوف ونشبه قسم يحرج خلق الله عليك انا مره جلسة في زواج كنت امازح طفل قسم صكني كف ضيع علومي قدام الرجال
« آخـــر الـــمـــشـــاركــــات »
10-06-2011
مواقف محرجه من الاطفاال لاتفوووتكم
