وانثنى غيــم الجنــوب لخــــد الخوبة النرجسية
يــــوم جاتــه من زعلها كنها تقصر خطـــــــاها
زعلــوهــا وارحلت واخلت قصــور الجابريــــة
والحقتني شــرهـــة الــزعـلان واخطاني رضاها
سـافــرت واللــه ماخبــر اللي يزعـــلهـا عليّــه
واستبــاحت للــه الخيــرة سهــر عيني ومـاها
ليتها يــوم إستباحت دمعــة العيـــن الشقيــــة
مـــاستباحـــت دم قلبي مــن خــلاها في خلاها
ســـامح اللــه ظلمهــا وطعـونها الخضر النديه
واللــه يســامــح خناجــرهــا ويعفو عن خطاها
عــرضتني للهبايب والضمـــــــاء والمهمهيـــه
وتـــركتنــي للــزعــل والشــوق والكبر وغلاها
والغـــلا ماهـــو فــي يديهـــا ولاهــو في يديه
الغـــلا شــي مــن الله واشهــد ان الله عطـاها
مــن غــلاها لــو تــوردني على حوض المنيه
كنهــا تسقيني الشهــد المصفا مــن شفــــاها
ومــن حـــلاها ماتــوصفها الحــروف الابجديه
كيـــف تـــوصف وردةٍ يبــري مــن العله شذاها
الــورود تغـــار منها مــزهريــة مـــزهريــــــة
وان تبــاهــت عــذرهــا معهــا يحــق لها تباها
مــايشـــابهـــها شبيــه ولا يحـــاليهـــا حليــه
جــل ربٍ يـــوم صــــورهــــا فرقها عن سواها
ان بــدالـــي وجهـهــا يسعد صباح اليوسفيــه
وان غشتني نفحتٍ من ليلها يسعد مساها
لايمي يبلى بحب الحضر في عيون بدوية
في ظروف مايقارن مستواه بمستواها
الله اقوى يافقير القلب ابو نفس غنيه
مالك الا الصبروالجنه لقاها من لقاها
والهوى اللي يطرح الرجال بيدين اجنبيه
علّةٍ بالجوف لاتبرى ولا يلقى دواها
والهنوف اللي نرد الثار تاخذها الحميه
شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطيه
كثرماتشتاق لأعماقي وانا اشتاق إلّ دفاها
كل ماعرّقت بميسمها تحريت الخويه
وألحقت ب الميسم بميسم كذا على عماها
عاقبتني كل يوم تلحق الكيه بكيه
واتعبتني وادركتني والحقت نفسي مداها
وإن تمادت جهزوا قبري وانا بكتب وصيه
ابكتب الله لايعاقبها ويرضى لي عليها
الاعمار تلفها الايام والدنيا مديه
والسنين تلفني والنار تحرق من وطاها
علموها تلحق الباقي مدام الشمس حيه
والتغانم مابقى مني وماتطلب فْداها
لاتمادى في جفاها والرياح الموسميه
ماتقدر وقفة الاشجار وتثمن عطاها
وانصحوها لاتحمل نفسها نفسٍ بريئه
وذكروها بالقبر لعلها والاّ عساها
وعلموها علموها لاتطول علي ذيك الجابرية
صامطة ماهي بديرتها لوأعجبها هواها
بتصرفي / والقصيدة الأساسية محفوظه لصاحبها مع الشكر 0