لو ما أبي القُرب ماقصّيت لك جرا ,
................. العمر ياخذ كثير أشياء ما ~ يعطـي !
يا سارقه القلب وقت النوم والمسرا .. .
................. لو كان مابه حرامي نلغي الشرطـي .
اللـيل | فاقد وجود : الليل ، والقمرا ,
................. جيب القمر يا حبيب الروح لا يبطـي !
يإللي قريت القصايد ليش ماتقرا :
................. إحساسي إللي كتبته وصار هو خطـي .
نزعـل ! طبيعي ، لأنه قلوبنا خضرا .. .
................. لكن .. نفكّر قبل لا جرحنا يسطـي !
جرح الحبايب يروح العمر ما يبرا ، ................. من أجل هذا السبب خل ناخذ ونعطـي .
مثل البحـر كنت وأدري غلطتي قشرا .. .
................. إرتاحي من قوّة الأمواج في شطـي ! فْراقنا عن بعضنا قمة الحسرا ،
................. وإن شفنا أي عيب فينا لازم نغطـي !
ألوان هذي الليالي ماهي بس حمرا ،
................. أرتاح لي يوم ويوم بـ يرتفع ضغطـي .
لا آنا عيسى ولا إنتي مريم العذرا .. .
................. ما أبي أطوّل عليك .. ثنينا [ نخطـي ] !
جديد أحمد الصّآنع
اتمنى ينآل اعجآبكم
م/ن
ساعد في نشر والارتقاء بنا عبر مشاركة رأيك في الفيس بوك
« آخـــر الـــمـــشـــاركــــات »
08-08-2011
