جبت نص كيلو كنافة كنت شايلاه فى الفريزر وبعدين كسرته بايدى او ممكن بالفوود بروسيسور وحمرته فى حلة ع النار مع حوالى نص كباية سمنة بلدى وممكن تزودوا زى مانتوا عاوزين وافضل اقلب فيه بالظبط زى الشعرية بس خدوا بالكم بتغيب شوية على ما تاخد اللون بس لازم نفضل نقلب فيها ما نسيبهاش عشان ما تتحرقش ، هى بتغيب فى الاول بس اول ما بتبدأ تلون باوطى عليها عشان ما تتلهفش منى
باكون محضرة شربات خفيف (كوب سكر / كوب ماء / نص لمونة) ، باشيل الكنافة من ع النار واحط عليها كمية من الشربات.
و باكون محضرة شوبيست كريم يعنى كريم شانتيه مضروب (هنا انا كنت مزودة ع الكريم شانتيه وانا باضربها (باسترى كريم باودر ) بيديها طعم جميل
باجيب الكاسات واحط بالمعلقة شوية كنافة وبعدين قطع مانجة متقطعة مكعبات وبعدين الشوبيست كريم
وبس كده
بألف هنا
ساعد في نشر والارتقاء بنا عبر مشاركة رأيك في الفيس بوك