حاربى الغلاء فى رمضان ( اكلات مفيدة ورخيصة )

احلى واطعم اكله عند المصرين البصاره اللذيذه.. المقادير.. كوب فول، مدشوش يعنى مقشر ومفصول أنصاف
١ بصلة وسط، مفرومة
٣ فص ثوم، مفروم
ربع كوب كزبرة طازجة، مفروم
ربع ملعقة صغيره ملح
ربع ملعقة صغيره كمون
ربع ملعقة صغيره فلفل أسود
زيت ذرة
٢ بصلة، محمرة للوجه
طريقة تحضير البصارة..بوصى يا ستى تحطى الفول فى حله وحطى عليه ربع حزمة كزبره مقطعه وعليه البصله مقطعه مكعبات والملح وممكن مكعب مرقة دجاج وقرن فلفل رومى او حامى زى ماتحبى ديه بقا تكاتى فى عمل البصاره الفلفل بيدى طعم لذيذ للبصاره وفص توم وسبيها لحد ماتحسى ان الفول استوا واتهرا وبعدين سبيها تبرد وحطيها فى الخلاط وحطيها على جنب وحطى فى الحله بصله مقطعه مكعبات صغيره وحمريهم وبعد ما يكونوا لونهم ذهبى حطى 2 توم مهروس وربع معلقة الكزبره الناشفه وحمريهم شويه وبعدين حطى البصاره عليهم بعد ما تصفيها كويس وسبيها لحد بتلقيها تطلع فقاقيع وتتسبك مع البهارات اللى حطتيها زى البهارات اللى ذكرنها فى المكونات ولو الملح عاوز يظبط ظبطيه وحمرى فى طاسه 2 بصله مقطعه ترنش لحد ما يتحمر زى بصل الكشرى واغرفى البصاره فى اطباق وسبيها شويه وبعدين حطى البصل عليها وممكن تحطى 1 فص توم مهروس مع البصله اللى بتحمريها بس خلى بالك بعد ما يدخل البصل فى تغير لونه حطى التوم علشان التوم مابياخدش وقت فى التحمير بيدى البصله طعم جميل وممكن تقدميها مع الطماطم المصرى المخلله بتكون تحفه وبالهنا.

المسقعة اللى من غير لحمة مفرومة ممكن تاكليها مع السمك وبتكون وجبة كاملة او لوحدها بالعيش بتكون وجبة لذيذه يوصى يا ستى بتتعمل ازى...نص كيلو بتنجان و 2 حبة بطاطس انا بعملها مع بطاطس بتكون اطعم وتحفة و4 قرون فلفل حامى بس الطريقة ديه مش عملها بالبطاطس عادى على حسب ذوقك لطريقة قطعى البتنجان زى ما واضح فى الصوره وروشى عليه ملح وسبيه شويه لحد ما يطلع ميته بكده البتنجان ما يشربش زيت ابدا وبعدين قطعى البطاطس وحمريها بس قطعيها صوابع كبيره علشان لما تحطى الصلصة ما تتهريش وبعدين حمرى البتنجان والبطاطس والفلفل وروصيهم فى صنية وبعدين اعملى الصلصة حطى 4 طماطم فى الخلاط ومعهم 2 معلقة صلصة واخلطيهم وبعدين جيبى حلة وحطى شوية زيت وعليهم 3 فص توم مهروس وبعد ما يتحمر حطى الصلصة والملح وحبة كمون وبعد ما تتسبك حطيها على البتنجان وسبيهم لحد ما يشربوا من الصلصة وبالهنا

كزبرية البطاطس علما اظن انها اكله سورى مش كده والله روووعه عملتها الطريقه انك تقطعى البطاطس مكعبات وتحمريها بس انا ما حمرتهش حسيت انها هتكون تقيله سلقتها وبعدين حمرت التوم بشويه زيت زيتون حوالى 2 فص مهروسين وبعدين حطيت البطاطس وتكونى مقطعه الكزبره الخضره تشوحى البطاطس شويه مع التوم وتحطى الملح والفلفل والكمون والشطه طبعا ههههههههه علشان تزغزغ البق كده ههههههه زى ما بيقول ابنى وبعدين تحطى الكزبره عليها وبعديت تقلبيها بس حاولى ما تقلبهاش كتير علشان ديه مسلوقه بتتهره اى نعم هتتهره شويه بس هتكون عمله زى سلطة البطاطس المهروسه والله طعم تحفه وبعدين حطى كمان حبة خل صغيره بس مش كتير علشان ما تكونش فيها مزازه ممكن تأكليها مع سمك وممكن لحمه مشويه او فراخ مشويه او كده من غير حاجه ولا عيش ولا حاجه علشان الريجيم وطبق سلطه كداااا محترم والف هنا

ده بقا طريقة الفول بالطماطم والخلطة السريه بتاعتى يارب يعجبكم..ممكن تاكليه فى الفطار او الغدا بيكون حلو اووى وجنبه مخلل او بتنجان مخلل .المقادير والطريقه اهيه..المقادير:
طبق متوسط من الفول او علبة فول
ملعقة صلصة
تومة مهروسة مع كمون
2 طماطم مهروسة اومبشوره
ملح فلفل اسود شطة
2 ملعقة سمن بلدي او زبد او سمن عادي او زيت على حسب ما تحبى
فلفل حامى او رومى على حسب ما تحبى
فنجان فهوه جبنه رومى مبشوره وده تكه من تكاتى
الطريقة:
حطى التوم المهروس في طاسه آخر مع السمن او الزيت ليحمر
بعد ان يصفر لونه تحطى عليه ملعقة الصلصة
وبعدين التوابل كلها
وبعدين الطماطم المهروسة
وبعدين ملعقة خل وممكن بدل الخل لمونه مخلله مقطعه الى قطع صغيره والفلفل لو بتحبى
ويقلب كويس وبعد التسبيك نضع عليه الفول والجبنه الرومى
وبعدين نضع عليه ملعقة سمن بلدي على الوجه لو بتحبى
وبالهنا والشفا. ديه تكه من تكاتى فى عمل الفول بالطماطم ايه بقا تكاتكم انتم الصور عليها الطريقه بالتفاصيل

#مطبخ_جدتى_الشطوره

حببتى الفوليه بتتعمل ازى بوصى يا سنى تجيبى الفول بعد ما تنقعيه وتقشريه وبعدين تحطيه فى حله وتحطى عليه مرقه او ميه عادى وممكن تحطى مكعبين دجاج وبعدين تجيبى الكزبره الخضره حزمه كده وتقطعيها وعليها 3 فصوص توم وبصله صغيره تقطعيها وتدقيها كويس مع طبعا ملح وفلفل اسود وبعدين تحطيها على الفول وهو بيستوا وبعد الفول ما يستوا حطى عليه نص كوب رز بعد ما تغسليه ونتسبيه لحد ما الرز يستوا شويه وبعدين حطى عليه السلق هى بيتحط عليها سلق زى القلقاس كده بتسلوقيه وبعدين تضربيه فى الخلاط وبعدين تحطيه عليها بتبقا خضره وتغليها يدوب غلوتين وبعدين تغرفيها الاطباق ممكن تقللى الكميه وتخليها طبق واحد هى بتتغرف فى اطباق زى البصاره كده وممكن تخلى الميه او المرقه قليله على الرز ويبقا رز بالفول يتاكل بالمعلقه واو تعمليها فى اطباق زى البصاره تتاكل بالعيش هى ليها طريقتين وعلى حسب ما تحبى جربى ديه وجربى ديه اه بعد ما تحطى السلق تقللها زى القلقاس كده يعنى حزمة كزبره و3 فصوص توم وتدقيها وبعدين تحطيها فى طاسه وحتة زبده وتقليها وتحطيها عليها وبالهنا
#مطبخ_جدتى_الشطوره

الشكشوكه بس من غير حمص بيض وطماطم وبصل وتوم بقطع البصل صغير ال توم مهروس واشوحهم على النار فى طاسه بجيب 2 طماطم واقطعها صغير واحط فى طاسة شوية زيت وانزل الطماطم عليها وحط الملح علشان يشرب مية الطماطم بسرعه وبعدين انزل عليها بالبيض 2 او 4 على حسب عدد افراد اسرتك زالفلفل الاسود من فوق وبالهنا سهله مش كده
#مطبخ_جدتى_الشطوره

ديه بقااا طاجن الشكشوكه بالفريك اكله رهيبه ومن غير لحوم يلا بقااا نعرف الطريقة لمكونات: ٥ أكواب فريك منقوع لمدة 30 دقيقة، 5 بيضات، ملح، فلفل، 1 فلفل رومي قطع صغيرة، 2 ثمرة طماطم، بصله مكعبات، 2 ملعقة سمن. نشوح البصل في السمن وبعدين نحط الفريك ويقلب.نضع باقي المقادير ويترك ليهدئ. وبعدين نحط الخليط في صينية او برام ونضع عليه البيض. ندخل الشكشوكة الفرن لمدة 30 دقيقة.وبالف هنا
#مطبخ_جدتى_الشطوره

طريقة البطاطس البيوريه من غير لحمه يلا بقااا نتعرف على الطريقة. سلقت ٣بطاطس كبيره وقشرتهم وهرستهم وحطيت ملح وفلفل وكمون وبيضه وشوية لبن ورشة بيكنج بودر علشان ما تكونش مكبوسه ومعلقة زبده وقطعت عليهم عودين بقدونس وشبت وفى صنية حطيت حتة زبدة و ودهنتها فيه وبعد كده حطيت البطاطس بعد ما خلطها كويس مع المكونات وفردتها وبعد كده عملت نص كوب لبن عليه بيضه وفلفل اسود وشوية ملح وضربتهم كويس وحطتهم فوق البطاطس وحطتها فى الفرن وممكن تحطى عليها جبنه رومى بتديها طعم روووعه وتطلعيها من الفرن هتكون بالشكل الموجود فى الصور وبالف هنا

تسسلم الأيادي على المجهود الرائع

مشكور والله يعطيك الف عافيه