من الاسباب العمليه اللى تخلى الانسان يبعد عن
المعاصى .. او على الاقل يفكر مليون مره قبل ما يعمل معصيه ؛؛
أنه يدرك تماما_ إن معصيته دى سبب مباشر للحوادث والنوائب والازمات ..
سبب مباشر انه يفقد حبيب له ..
سبب مباشر ان المصايب تحل بأهل بيته .. امه تمرض وتتوجع قصاد عينه من الألم .. اخوه يسقط .. ابوه يدعى عليه ويهينه ..
سبب مباشر لضيق رزقه .. تأخر رزقه .. يتحرم من رزقه تماما ..
سبب مباشر للهم والحزن والوهن والتذبذب وقله الحيله ..
الرسول قال (صنائع المعروف تقى مصارع السوء).
واعظم صنائع المعروف .. انك تسيب عشان ربنا .. وانك تعمل عشان ربنا ..
* مثلا تنوى انك تتفرج عل شئ محرم وتسيبه لله .. ربنا يصرف عنك بفعلك دا مصيبه او كارثه كانت هتنزل عل بيتك .. كان مكتوب لك انك تقضى الليله دى دايخ ف المستشفى عشان ابنك تعب فجاءة ؟
سبت حاجه عشان ربنا ؟
ربنا صرف عنك مصيبه كبيره.
*كنت هتأخد مال حرام .. مال مشبوهه .. وسبته لله ..؟
كنت هتسمع خبر إن بنتك عملت حادثه .. بس بفعلك دا ربنا كفاك و صرف عنك مصرع السوء.
وهكذا وهكذا وهكذا