باختصار شديد ابني عنده سنة و 8 شهور وحسيت إنه ضعيف حبتين.. وهو أساسا ابن سبعة ومارضعش مني خاااالص
المهم.. أخذته ورحت على معهد التغذية اللي في شارع القصر العيني ( قريب من محطة مترو السيدة زينب).. وزنوه و شافوا طوله وكشفوا عليه وبعدين حولوني على أخصائية التغذية اللي شرحت لي بالظبط إيه الغذاء الصح والمفيد لسنه ده... وعملوا له ملف عندهم برقم تسلسل وبقى معايا كارنيه متابعة لإبني
الكشف بـ 4 جنيه بس.. والدواء مجاااااااااااني...
]- - - -
بس طبعا المكان زحمة حبتين تلاتة أربعة....
أنا نقلت لكم الجدول بمنتهى الأمانة.. حتى الملحوظات اللي الدكتورة كتبتها يإيدها على الورقة كتبتها.. يارب الكل يستفيد
نماذج لوجبات غذائية ليوم كامل
(أطفال 1 – 3 سنوات)
الإفطار: ملعقة كبيرة فول مدمس بملعقة زيت صغيرة- ثمرة طماطم صغيرة- ¼ رغيف عيش بلدي أو:- جبن قريش في حجم البيضة في ملعقة زيت كبيرة- ثمرة طماطم صغيرة- 1/3 رغيف بلدي أو:- بيضة بيضاء مقلية في ملعقة سمن بلدي صغيرة- ½ حزمة بقدونس- ½ رغيف بلدي
بين: - باكو بسكويت صغير- كوب حليب متوسط- 2 ملعقة سكر كبيرة أو: - كوب لبن حليب متوسط + 2 ملعقة صغيرة سكر أو:ثمرة موز مضروبة في ½ كوب لبن كبير + 4 ملاعق سكر صغيرة
الغذاء: 2 ملعقة كبيرة (مكرونة أو أرز أو عدس)- سلطة خضراء (طماطم – خيار – جزر – بصل) أو:- طبق صغير بطاطس مطهية- سلطة- 1.5 ملعقة أرز- لحم مسلوق (في حجم البيضة)- ثمرة برتقال صغيرة أو:- سمكة صغيرة مشوية- ½ ملعقة كبيرة طحينة- 1.5 ملعقة كبيرة أرز- ثمرة طماطم- ¼ رغيف بلدي- ثمرة برتقال صغيرة
بين: طبق صغير مهلبية أو: أرز باللبن أو: كوب زبادي صغير
العشاء: جبن قريش في حجم البيضة + ملعقة زيت صغيرة- ¼ حزمة جرجير- ¼ رغيف بلدي أو:- بيضة مقلية + ملعقة سمن بلدي صغيرة- ¼ رغيف بلدي- ثمرة خيار صغيرة أو:- جبن أبيض في حجم النستو- ثمرة طماطم متوسطة- ملعقة كبيرة عسل أبيض- ½ رغيف بلدي
كما يجب المحافظة على التالي:
1- ( 2 ملعقة عسل أسود + ½ ليمونة) على الريق. 2- (ملعقة صغيرة خميرة + ½ كوب ماء أو لبن + سكر) قبل النوم. 3- كوب لبن و كوب زبادي يوميا. 4- أكل كبدة بلدي مرة أسبوعيا على الأقل. 5- أكل فاكهة 3 مرات أسبوعيا على الأقل. 6- التعرض لآشعة الشمس قبل الساعة 11 صباحا و بعد 4 مساءا لمدة ¼ ساعة يوميا. 7- ممنوع تماما الشاي سواء سادة أو بحليب. 8- ممنوع تماما أطعمة المواد الحافظة (شيبسي أو بوزو بأنواعهم – الكيك – المشروبات الغازية – العصائر....... إلى آخره)
ساعد في نشر والارتقاء بنا عبر مشاركة رأيك في الفيس بوك