☝ مقادير كيكة الكاسترد :
_______
5 بيض حجم كبير + كوب ونصف سكر + ملعقة كبيرة فانيلا سائلة او نصف ملعقة صعيرة فانيلا بودرة + ملعقة كبيرة برش ليمون + ملعقة صغيرة خل ابيض ( اذا غير متوفر استغني عنه ) + نصف كوب زيت نباتي + كوب حليب سائل ( اي عبوة حليب وزنها 250 مل ) + كوب ونصف طحين + كوب بودرة الكاسترد + ربع ملعقة صغيرة ملح + ملعقة كبيرة ممسوحة بكمبودر .. ...........
الطريقة :
____
1) بالاول نسخن الفرن على حرارة 180 درجة مئوية ونثبت الرف الاوسط بالفرن ونشغل الفرن من الاسفل فقط قبل خبز الكيك ب 20 دقيفة وندهن قالب كيك تقليدي مفتوح من الوسط قياسها 24 سم بالزبدة اللينة ورشة طحين وبعدا نتخلص من الطحين الزائد............. الخطوة
2) نضع 5 بيض في وعاء خلاط الكيك مع الفانيلا والخل وبرش الليمون ونخفقها على سرعة عالية لمدة 5 دقائق وبعدها نضيف السكر على دفعات مع الاستمرار بالخفق اثناء اضافة السكر وبس نخلص من اضافة السكر نخفقها لمدة 10 دقائق لجتى يدوب السكر مع البيض منبح وبيتضاعف حجم البيض وبيصير متل الكريما هشة ولونها فاتح وبعدا منضيف الزيت على دفعات ونخفقها ايضا لمدة دقيقتين.............
الخطوة 3) ننخل الطحين مع الملح والبكمبودر والكاسترد ونضعها جانبا...........
الخطوة 4) نضيف الطحين مع الحليب بشكل متناوب وعلى 3 دفعات ونخلط ونخفق قليلا بعد كل اضافة وبس نخلص من اضافة الطحين نحركها ونخفها دقيقتين وهيك صار خليط الكيك جاهز ورح تلاحظو انه خليط الكيك لهالوصفة بيكون قوامها سائل نوعا ما...........
الخطوة 5) نصب خليط الكيك بالقالب المدهون والمجهز مسبقا وندخلها الى الفرن الحامي مسبقا وبتاخد بالفرن حوالي ( 50 او 55 دقيقة ) وممنوع تفتح باب الفرن الا بعد مرور 45 دقيقة وبعدا مرور هالوقت ممكن نختبر نضج الكيك بواسطة ادخال عود خشبي رفيع بداخل الكيك اذا ما شفتي اي بقايا من خليط الكيك على العود معناها الكيكة استويت وممكن اخر 5 دقائق من مدة خبز الكيكة بتشعلي عليها الفرن من فوق لحتى الكيكة تاخد لون من الاعلى وبعدا بتطالعي الكيكة من الفرن وتتركيها 5 دقائق بالقالب و بعدا اقلبيها على طبق تقديم مناسب واتركيا حتى تبرد تماما وبعدا غلفيا وحطيا بالبراد وممكن تبقى عدة اسابيع وصحة وهنا بس ممنوع تقطعي الكيكة وهي ساخنة لازم تبرد تماما وبعدا بتقطعيا وهالكيكة كلما بردت بتكون اطيب واطيب.....................
ملاحظات بخصوص الكيك :
_______
ملاحظة
1) انا استعملت الاكواب والملاعق العيارية اللي سعتها 250 مل او ممكن تستعملي كوب الماء بنفس الحجم او ممكن تستعملي كوب جبن الكاسات متل كاسة جبن البوك اللي وزنها 240 او 250 مل واثناء المعايرة وقياس المكونات لازم تكون الاكواب ممسوحة ونستعمل نفس الكوب بقياس كل المواد ..........
ملاحظة 2) ممكن نستبدل بالوصفة كوب الكاسترد ب كوب من النشا ..........
ملاحظة 3) ممكن نستفيد من هالوصفة بعمل كيكة عادية سادة بدون نشا او كاسترد ونستبدل كمية الكاسترد البودرة بالطحين ووقتا منستعمل بالوصفة كوبين ونصف طحين ومنكمل الكيكة بنفس الطريقة السابقة .........
ملاحظة 4) ممكن نستبدل كوب الحليب بالمقادير ب كوب لبن زبادي واللبن كمان بيعطيها هشاشة.......
ملاحظة 5) اذا بدك كيكة بالكاكاو بتستبدلي نصف كوب من الطحين ب نصف كوب من الكاكاو يعني بتحطي كوب طحين ونصف كوب كاكاو و .كوب بودرة كاسترد
وصحة وهنا
ساعد في نشر والارتقاء بنا عبر مشاركة رأيك في الفيس بوك