ياياه مافيني على غيبتك حيل
.
.
.
.
.............. ليت البقا عن روسنا ،، في حياتك
او ليت تنفع ليتنا لااقبل الليل
................ وقمت اتخيل صوت طقة عصاتك
في شيل نعشك ماقوى كتفي الشيل
................ يوم افتكرت ان شيلتي لك مماتك
طحت ونطحت بطارف شماغي السيل
................. عجزت اسوي بالمصايب سواتك
ماني لحالي .. شفت من فقدك الويل
.................... الكل لاجت روحهم من غلاتك
الدمع حاير في عيون الرجاجيل
................. محدن مصدق في وفاتك / وفاتك
لو بالمنايا يام الاحسان تأجيل
................... ماقصروا قبلي .. يتامى زكاتك
من عام الاول والحنايا مداهيل
.................. للخوف من فرقا عصاك ! وعباتك !
ينبيك دمعي عن كثير التفاصيل
............... يوم اني اقفي مابي اسمع وصاتك
عن ونّتك حزني حكى للمناديل
.................... غصة عيالك ،، من عباير بناتك
اجبر عزا روحي .. بدمع التماثيل
.................. والا الحزن في داخل الصدر فاتِك
ماكنت اخاف من الزمن والبهاذيل
.................... ... حتى فقدت ادعاك بآخر صلاتك
ماعاد فيني من تعب غيبتك حيل
.................... ليت البقى عن موتتي في حياتك ..!
الموت .. من دون الشقا بالمقابيل
.................... ارحم من العيشه على ذكرياتك ..!
:
:
:
« آخـــر الـــمـــشـــاركــــات »
17-01-2015
ياياه
