شهر رمضان من أعظم نعم الله على أمة محمد
شهر النفوس فيه تقبل على العمل الصالح وترجو عفو الله ورضوانه .
فرض الله علينا صيام الشهر لنغير فيه أنفسنا للأفضل والأحسن والأكمل ..
نمنع أنفسنا عن أشياء أحلها الله لنا أصلاً من طعام وشراب وغير ذلك طاعة لله وحده ..
رمضان فرصة كبيرة للتغيير .. يللا نتغير ونبدأ حياة جديدة من رمضان ..
- فى رمضان هكون إنسان جديد .. هتغير .. هصلى ومش هبطل صلاة تانى أبداً .. وهصلى الصلوات فى أوقاتها فى المسجد مش فى البيت علشان أول ما يحاسب عليه العبد يوم القيامة الصلاة ، فإذا صلحت صلح سائر عمله ، وإذا فسدت فسد سائر عمله .
- فى رمضان هكون إنسان جديد .. هتغير .. هبطل رغى ملوش لازمة ولو اتكلمت هكلم كلام يتحطى فى ميزان حسناتى خير وبس .. كلمة طيبة صدقة ، احفظ لسانى وده طريق لدخول الجنة والنجاة من النار .
قال: « إن العبد ليتكلم بالكلمة من رضوان الله لا يلقي لها بالاً يرفعه الله بها درجات وإن العبد ليتكلم بالكلمة من سخط الله لا يلقي لها بالاً يهوي بها في جهنم » [البخاري]
- فى رمضان هكون إنسان جديد .. هتغير .. وهسامح اللى أذانى ومش هخاصم حد أبدًا .
قال تعالى : { فَاعْفُواْ وَاصْفَحُواْ حَتَّى يَأْتِيَ اللّهُ بِأَمْرِهِ إِنَّ اللّهَ عَلَى كُلِّ شَيْءٍ قَدِيرٌ }
- فى رمضان هكون إنسان جديد .. هتغير .. هنقذ نفسى من الغرق فى بحر الذنوب والمعاصى وطوق نجاتى المسارعة بالتوبة والرجوع والإنابة لله سبحانه وتعالى .
فهو سبحانه {غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ لاَ إِلَـهَ إِلاَّ هُوَ إِلَيْهِ الْمَصِيرُ}
- رمضان خطوة نحو التغيير لمن هجر قراءة وحفظ القرآن الكريم وتدبره والعمل بما فيه ، بأن ينتهز شهر القرآن فيحدد لنفسه ورداً معيناً يحافظ عليه في كل يوم .
- فى رمضان هكون إنسان جديد .. هتغير .. مش هبقى بخيل وهتصدق فالله سبحانه وتعالى يربي الصدقة لصاحبها حتى تصير مثل الجبل .
قال تعالى : {يَمْحَقُ اللّهُ الْرِّبَا وَيُرْبِي الصَّدَقَاتِ }
- فى رمضان هكون إنسان جديد .. هتغير .. مش هبقى غافل عن ذكر الله وهذكر ربنا بالليل وبالنهار وهحافظ على الأذكار .
قال تعالى : {يأَيُّهَا الَّذِينَ آمَنُواْ اذْكُرُواْ اللَّهَ ذِكْراً كَثِيراً ، وَسَبِّحُوهُ بُكْرَةً وَأَصِيلا}
وقد وصى النبي بالإكثار من الذكر فقال : « لاَ يَزَالُ لِسَانُكَ رَطْبًا مِنْ ذِكْرِ اللَّهِ » [رواه الترمذي]
- فى رمضان هكون إنسان جديد .. هتغير .. مش هكذب وهتحلى بالصدق .
سُئل النبي: أيكون المؤمن كذاباً ؟ قال : " لا " .
وقال: « ولا يزال الرجل يصدق ويتحرى الصدق حتى يكتب عند الله صديقا » [أحمد] .
- فى رمضان هكون إنسان جديد .. هتغير .. هصل الرحم ومش هقطعه تانى .. هزور أقاربى واتصل بيهم ، فصلة الرحم تزيد في الرزق وتطيل العمر ومن وصلها وصله الله تعالى .
- فى رمضان هكون إنسان جديد .. هتغير .. هبطل سجاير ومش هشربها تانى .. صمت ومنعت نفسى عن الأكل والشرب وهما حلال طاعة لله مش هقدر أصوم عن السيجارة وهى حرام ؟!!
متهربش هتكون إنسان جديد بالإرادة والإصرار على التغيير ..
خليك جد في تغيير نفسك من دلوقتى ومتأجلش ورمضان فرصة
لا تقل : من أين أبدأ = طاعه الله البداية
لا تقل : أين طريقي = شرعة الله الهداية
لا تقل : أين نعيمي = جنة الله كفاية
لا تقل : في الغد أبدأ = ربما تأتي النهاية
عليك البداية والتمام على الله ..
ابدأ وربنا يوفق ..
يقول الله تعالى : « ابن آدم ، قم إلي أمشي إليك ، امش إلي أهرول أليك » [أحمد]
فاستعن بالله أولاً وأخيراً ..
التغيير بيبدأ من أعماق نفسك .. من جواك أنت ..
درب نفسك وعودها على الطاعة ..
استعن بالله واطلب منه أن يوفقك لما يحب ويرضى ..
وليكن شعارك :
لو متغيرتش فى رمضان يبقى أنا مش عايز أتغير ..
مبسوط لحالى كده أو عاجز عن التغيير - للأسف -
لأ لأ مش هكون عاجز ومش هكون من المحرومين والخسرنين ..
قال رسول الله