تعلم أن اليابانيين أكثر شعوب العالم المتقدم حرماناً من العطلات اذ لا يتعدى متوسط اجازاتهم تسعة أيام في العام
بينما الفرنسيون هما أصحاب النصيب الاكبر من العطلات
وتمنح الولايات المتحدة العاملين ثاني أقل عدد من العطلات سنويا
مساكين يااليابانيين
صدق انكم شعب محروم من الراحه
تهجولون في ذا الدنيا لا راحه ولا نوم ولا فلة حجاج
علشان تقدمون اختراعات تفيد الانسانيه
همن بتموتون واللي ما اسلم منكم بيخلد في النار
وخلوا الانسانيه وسوني ومتسوبيشي وتويوتا تنفعكم
اقول خلوكم مثلنا بس
والله ياالانسانيه ما قامت ولا قعدت عندنا
فالين ام الحياة.. اجازات ونوم وتسدح وتبطح ولله الحمد والمنـّه
وامهاته من الرضاع وابوانه من الرضاعه واصدقاه من الرضاع
ومنها شهرين استئذانات من المدير علشان يجدد الرخصه والاستماره
ويضيف ولده في دفتر العائله ويسجل ولده الثاني في المدرسه
ويطلع ولده الثالث من مرورالناصريه ..
تصدقون يا جماعه ان بعضهم يكون باقي عليه ويتقاعد سنتين
ويجيب اجازه مرضيه بسبب خلع ضرس عقل
واللي موقع الاجازه طبيب نساء وولاده
ومعها مكرمه من اهالي الطلاب نص شهر
واجازات امطار واجازات غبار
وغيابات بسبب الانفلونزات
وغيابات للطلاب بسبب هزايم فرقهم..
واللي مسكوه المرور وخلوه يفك انوار الزينون
وعلم ابوه ولعن جدفه ..وتعبت نفسيته
وغيابات للطالبات بسبب ان بطونهم توجعهم
وغياب لان نفسياتهم تعبانهم ..
واسباب تعب نفسيات البنات متعدده
اللي قصت شعرها وطلع وع
واللي محد عطاها وجه على البي بي
واللي طلعت لها حبة شباب في خشمها
وقاعده طول الليل تراقب ذا الحبه لين تعبت نفسيتها ..
ميسي مهيب حبة شباب
اما المدرسات والموظفات فحدث يا اها بس ولا حرج
اجازات مثل الاجازات الرسميه للطلاب والطالبات
واضيفوا لها اجازات مرضيه اثناء الحمل
عشان كذا ذا المدرسات هم اكثر من يحمل ويولد
بزعمها انها بتكثر امة الاسلام وهي تبي تتبطح وتتسدّح
واجازه علشان فيها ضيقه وشاكه انها منظوله
على طاري الضيقه ..
قسم لو للرقاة الشررعيين صلاحيات منح اجازات مرضيه
نرجع لمحور حديثنا ..
وغياب البعض ايام الاربعاء لانها بتروح لزواج
ولازم تمسك سرا عند الكوافيره من الضحى
واجازه مرضيه بعض ايام السبت لانها كانت عازمتن حمولتها وتعبت
مع ان حمولتها كانوا عندها يوم الاربعاء ..
الحين الشغاله هي اللي تتعب والمدرسه هي اللي تاخذ اجازه!!!
انا اقترح اقتراح بيفيد الانسانيه
وهو اننا نتناسب انا واليابانيين
نتزوج منهم ويتزوجون منا
نعطيهم مما اعطانا الله من زود العيون
ويعطونا مما اعطاهم الله من زود العقول
نعطيهم مما اعطانا الله من الحرص على المظهر
ويعطونا مما اعطاهم الله من الحرص على الجوهر
وبكذا بننتج للانسانيه نسل يحبه قلبها..
والله يا نها بتنبسط فينا ذا الانسانيه
ساعد في نشر والارتقاء بنا عبر مشاركة رأيك في الفيس بوك
« آخـــر الـــمـــشـــاركــــات »
07-06-2013
