ولا يفلح الساحر حيث اتي
****
هذه فوائد مستنبطة من قوله جل وعلا :
{وَلَا يُفْلِحُ السَّاحِرُ حَيْثُ أَتَى} [طه:69] :
الاول الفلاح يعني ايه ؟؟ يعني انك تحصلي علي الخير في الدنيا او في الاخرة ولا الاثنين مع بعض .. تمام كدة ... نرجع للأيه .
الفائدة الاولي
الساحر كما أخبر الله تبارك وتعالى لا يفلح أبداً ؛ وينبغي أن نعلم فنفيُه عن الساحر نفيٌ لتحصيل الساحر للخير في دنياه وأخراه ، فهو خائبٌ خاسرٌ في الدنيا والآخرة .
يعني متجتيش ام علي وام حسين لوحده واقعة في مشكلة تقول لها في شيخ سره باتع انا مجرباه هيحل لك المشكلة لالالالالا ربنا حسمها لا يفلح الساحريعني خلاص خلصت متضحكيش علي نفسك ومش تخلي ام علي وام حسين يضحكوا عليك ردي عليهم وقوليلهم اتقوا الله انا مسلمة
الفائدة الثانية
ركزتوا معايا في اخر الاية ( حيث اتي ) يعني ايه ؟؟؟ يعني ربنا بيبين لنا وبيعلمنا أن السحر ليس طريقةً واحدة ، وإنما هو طرق كثيرة ومدارس متنوعة وأنواعه عديدة ولكن أيًّا كانت طريقته وأيًّا كان أسلوبه في السحر وأيًّا كانت مدرسته ؛ فالسحرلا يفلح ولا ينفع صاحبه الساحر إطلاقًا لا في دنياه ولا في أخراه .
والطرق الكتيرة دي عشان متقعيش في الفخ ممكن تلاقي واحد عامل اعلان انه بيفك السحر او بيجوز اللي اتأخرت او المصيبة الكبيرة بيخلي اللي مخلفتش تخلف وحاجات كتيير اوي زي كدة اوعي تصدقي اي حاجة من الحاجات دي
ولا يفلح الساحر حيث اتي ...
الفائدة الثالثة
بما ان ربنا نبهنا ان مهما عمل الساحر واخترع طرق يخدعك بيها مش هيفلح لا دنيا ولا اخرة من باب اولي اللي بيذهب له ويثق في كلامه هو كمان مش هيفلح يعني مش هتتحل مشكلته ولا هيفلت من العقوبة دنيا والاخرى
يعني متجيش واحدة تقولك اتقفلت في وشي جربت كل حاجة مافيش فايدة قوليلها جربتي الحلال ومش نفع هينفع الحرام اللي ربنا قال عليه لا يفلح !!!
الفائدة الرابعة
نيجي بقي للي وضعت في دماغها انها اتعمل لها عمل ولازم تفكه وتصدق وتروح للدجال اللي بيسموه خدوا بالكم ( شيخ عارف ربنا ومش بياخد فلوس ) عشان تفك السحر او العمل وتقولك انا مش بتاعت الحاجات دي خالص بس منهم لله عايزين يئذوني !!! ف بتروح عشان تعمل عمل تاني يفك الاولاني ركزي معايا الرسول قال ايه عن ( النشرة يعني فك السحر بسحر زيه )
قد جاء في الحديث الصحيح أن النبي صلى الله عليه وسلم سُئل عن النشرة قال : ((هي من عمل الشيطان)) ، فحلُّ السحر بسحر مثله هذا أمرٌ لا يجوز
الفائدة الخامسة
أن هذه الآية تقوِّي في قلب المؤمن والتوكل على الله والثقة به سبحانه وتعالى ؛ لأن الله عز وجل أخبر أن الساحر لا يفلح ، وقد قال الله سبحانه:
{ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ} [البقرة:102] ، فهذا يقوِّي في العبد التوكل على الله ، والثقة بالله سبحانه وتعالى ، وعدم التفات القلب إلى السحرة وأعوانهم خوفًا منهم أو نحو ذلك ، بل يكون على ثقةٍ بربه وتوكلٍ على مولاه جل وعلا ، يزداد إيمانًا ، وثقةً بالله، وتوكلًا عليه وحده تبارك وتعالى، إيمانًا بأنه لا يمكن أن يضره شيء إلا بإذن الله تبارك وتعالى ؛ فهو إليه وحده يلجأ ، وعليه وحده يتوكل ، وبه وحده يستعين .
عايزة اختم معاك حبيبتي واقولك إطمني قلبك واهدي واستعيني بالله ومش تخافي من اي بشر انه يعمل لك اي حاجة مش هيقدر حد يئذيك طول مانت معاك ربنا قال الله تعالي {أَلَيْسَ اللَّهُ بِكَافٍ عَبْدَهُ }[الزمر:36] ،
شوفي حبيبت سيدنا محمد قال ايه
« آخـــر الـــمـــشـــاركــــات »
10-05-2016
ولا يفلح الساحر حيث اتي ...
