شوربة العدس الاصفر مغذية جدا ومطلوبة فى الشتاء
المقادير
*****
كوب عدس اصفر
جزرة
حبة بطاطس
معلقتين شعرية
فصين توم
بصله صغيرة
الطريقة
*****
هنغسل العدس ونصفية من ميته
هنغسل الجزرة ونقشرها ونقطعها صغير
هنقشر البطاطسه ونغسلها وهنقطعها
هنقشر البصلة ونغسلها ونقطعها رفيع
هنضيف العدس والجزر والبطاطسة والبصله على بعض ونحطهم فى الاناء ونحط كوبين ماء عليهم و1/2 معلقة كمون مطحون وبعد ما تغلى هنهدى النار عليهم لحد ما تتستوى ويتشرب الميه
هنتركه يبرد وبعدين نضربه فى الخلاط
هنحمر الشعرية فى الزبدة مع فصين التوم المفرومين
هنضيف كوب ماء عليهم لما تغلى هنضيف العدس المضروب فى الخلاط وهنضيف الملح والفلفل الاسمر وشوية كركم 5 دقايق هتكون جاهزة تغرف فى الطبق ويرش عليه شوية شطه حمرا مطحونة وتقدم بالف هنا وشفا
[/TABLE1]
[/TABLE1]
[/TABLE1]
[/TABLE1]
[/TABLE1]
ساعد في نشر والارتقاء بنا عبر مشاركة رأيك في الفيس بوك