شيكوا عليه بعد نص ساعه
عباره دائما اقولها لما استلم مجداف نومة الصغار
هذي العباره لها مواقف كثيره
اولها في ولادتي اختي وكانت ايام الدوام
كنت عند الوالده عشان اساعدهم بعد روحة الضيوف فالليل
قالوا دخلي العيال ينامون عشان الدوام الصبح قلت لهم نفس العباره
بعد نص ساعه شيكو عليه
المهم دخلت وقفلت باب الغرفه علي وعليهم وطفيت النور وكل شي هدوء وصمت
بعد نص ساعه دخلوا لقيو العيال يلعبون وانا نايمه هههه
المره الثانيه خرجوا لهم العيال قالوا خاله نامت واخذنا المفتاح من تحت راسه نبي ( حمام - دورة مياه ) اكرمك الله
ولا زلت مستمره اذا مسكت احد انومه انام قبله هههه
والحين بقوه ارددها
وقت القهوه احب اروق بصراحه ما احب احد يزعجني
ومن لما جا الصغير الله يحفظه اعمل قهوتي وهو صاحي
واحطها عالنار في ذا الوقت انومه مرات ينام ياحليله بهدوء
ومرات انام قبله والقهوه تروح في خبر كان
فسرت اقول لبنتي او اللي سهران معاي شيكوعليه بعد نص ساعه
هههه وراح الغاز والبن فيها يجلس شغال يخلص الغاز والفحم يسير رماد
والبن كلها ينكب مع الغليان
اخرتها البارح قبل الفجر نمت قبل الصغير دقايق فتحت عيوني
الا هو يلعب في جوالي بالمنتدى يخبط كويس ما حذف شي .