|
رد: موضوع متجدد: اعترافات رجل ...
اقتباس:
المشاركة الأصلية كتبت بواسطة السموه
دكتور بدون شهادة
اعترافات زوج مع زوجه نكديه وانانيه ...
اعترف اني أكره زوجتي كره العمى. سببت لي مشاكل مع والدي ومع أهلها. بل إنها مرة سببت لي مشكلة مع زوج أختها بسبب سوء فهم وجاب الله العواقب سليمة. أعترف إني أكرهها من كل قلبي من بعد كذا موقف بس ماكنت مدرك لعواقب الأمور ولو أدري اني راح أوصل لهذه المرحلة من الكره لها والحقد عليها ما كان استمر زواجنا 15 سنة. أنا ما كسر ظهري الا أولادي وبنتي ، ولا أنا من ناحيتي منفصل عنها عاطفياً ووجدانياً. مجتمعنا يظلمنا بفرض الزواج التقليدي اللي أطلقت عليه مسمى “زواج العجائز” وهو والله أكبر ظلم لنا خصوصا في هذا الزمن المتغير. قلت لها زمان نبغى نسافر أمريكا بس بأسافر أشوف الأمور هناك وأرتب الأمور بعدين أرجع آخذك عشان نروح هناك ونلتحق بالبعثة أيام الملك عبدالله – الله يرحمه – ، لكن سوت أكشن ذيك اليوم ووصل الموضوع لأخوها اللي كان وما زال عاقل ومحترم وقالي بالفم المليان حتى لو تبغى تسافر لوحدك تتونس وتهيص جيبها البيت ولا تقول لها كلمة حتى عن سفرك. هذا من خصوصياتك وهي مالها دخل. انحرجت من تعامل أخوها الراقي معي لذلك بعدها بكم يوم أخذتها ورجعنا البيت وألغيت فكرة أمريكا. ولا أنا كان طموحي أكمل دراساتي العليا بس الله ما أراد. وبعدها انشغلت بتأمين سكن لأولادي وهي اذتني متى تبني بيت متى تبني بيت وهي مصاريفها ماتنتهي الله يلعنها هي وعقلها المعفن. وخلال رحلة بناء البيت كنت أبحث عن ما يسد الجفاف العاطفي عندي وتعرفت على وحده وقمنا نكلم بعض واتفقنا على الزواج. وكشفت الملعونة الموضوع وحابت لي الويل والمشاكل مع والدي. والله العظيم اني خفت بس لا يدعي علي ولا يتبرا مني. المهم مرت المشكلة وهي معلقة ما انحلت وقطعت علاقتي بالبنت لانها خافت ما اكون جاد وانا والله كنت جاد لك فلوس مافيه…
اثنين من اخوانها قاموا يهايطون علينا بسفراتهم لاوروبا وتركيا وغيرها (مساكين انفكت عليهم الامكانيات متاخرة شوي) ولا انا سافرت قبلهم بعشرين سنة ايام شبابي وهم الواحد ماكان يقدر يتعدى الحارة اللي ساكنين فيها وقامت تنقنق على راسي ليش ما نسافر وليش ماتسوي زي الرجال الي يسفرون حريمهم انا انفجرت من الزعل وقلت بصوتى عالي (بشتمها) احمدي ربك اللي متحملك ومتحمل غثاك. والله ما تسافرين وانا حي اي مكان بعد ما حرمتينا من السفر لامريكا. كل اخوانك يسافرون لحالهم اكثر السنة ومرة وحدة بس كل واحد ياخذ زوجته في سفرة وحده وانا مسويه علي حظر من كل شي. ماني مسافر ولا انتي مسافرة. وهذا حالنا. الحمدلله يوم كتبت وفضفضت هنا ارتحت وحسيت شي ثقيل ازاح من على صدري.
ومرت السنين كل سنة أسوأ من اللي قبلها. أنا الآن وصلت لمرحلة ماصرت أطيقها وهي ما هي حاسة أو حاسة بس ماهمها. والله العظيم كل ما أشوفها أقول بيني وبين نفسي يا حسافة عمري اللي ضاع معك في مشاكل وقروض. لكن ما أقول الا حسبي الله ونعم الوكيل.
|
عظم الله اجره
|