...((بقلمي)), من, ابوي, تترك, بير, بر, يا
...((بقلمي)), من, ابوي, تترك, بير, بر, يا
الأربعاء، 16 نوفمبر، 2011
يابحر أسالك بالله العظيم ما أشتاقت امواجك لذاك الشايب
البحار اللي قضى عمره في جوفكم رحال ،
عاف اهل واصحابه وكل احبابه
وجاكم شتاء وصيف
وحداني والا بضيف،
ماعمره عنكم غاب
وان عاتبوا الاحباب
ماهمه الا انت
وامواجك مهما كنت
غدار او مكار
بارد وجوفك نار
قتال ماينحد لو حطوا دونه سد
...
يغرق الغرقان اللاهي والحزنان
كلهم غدو سيان
خاف الله ياكائن
شفنا العذاب الوان
والشوق والتحنان
مع سيدي البحار
مايغادر اليابس
ويترك هو الابحار
والصيد والمحار
للغيرواصحابه ،
لكنه مايسمع ولو دمعنا يلمع
في سائر الاكوان عن بحره مايقلع
الا وهو غرقان
ويضمه لجوفه ويخفف شغوفه
بموتته جواه
سبحان من قدر
وفرقكم ويسر
ببعدك يابحار
عن موتة الابحار
وجابك تموت فبيت
كم وكم له حنيت
وهم لكم حنو
مكتوب ومقدر
وابد مايتأخر
انك تموت في البر،
ياكم وكم وكم
قد بلل اكفافك
وغرق اطرافك
واشتاق لخفافك
ودعسات اقدامك
في داخل امواجه ،
مسكين يابحار
ودعت ليل ونهار
كل من شافته عينك
الا طيور الدار
اللي بكت لك دوم
وذاك البحر يابار
نسيت توديعه ،
من لهفتك ياحور
ماكمل البحار توديع احبابه ،
اشتاقت عيونك
واشتاقت عيونه
واحنا بعد نشتاق للغالي الغايب ،
خذ يابحر مني
وعد وعهد واعذار
من بنت هالبحار
ما تقطعك لو
توقف نجوم الجو
بينك وبيني دوم
بشد لك اسفار
في ليل والا نهار
واطمن البحار
عن بحره وامواجه
وعن صيد به مدرار الكل له يجري .
)(بعدسة جوالي وقلمي ..السموه)(