منتديات الحقلة - عرض مشاركة واحدة

11-05-2019

اقتباس:

المشاركة الأصلية كتبت بواسطة أنشودة الأمل

ههههه
اصــه اصــه فضحتينا قدام العربان ايش تبغينهم يقولون عنا عجايز صدق
الله يقطع ابليسش هرجن مالش فيه ايش جابش عليه
قومي عدلي الابيات بكبرها مكتوبه غلط هذي قصه قيلت في احدى العجايز الاولين وذكرت هالابيات من ضمنها
شوفي عشان تعرفي لهجة اهل جازان الله يحفظهم لازم قبل اي كلمه تقدمي هالحرفين الالف والميم (امــ)
وتجي باقي الكلمه من بعدها

هذي قصة من أيام ماكنت صغيره سمعتها حكتني اياها وحده امعجوز رحمة الله عليها وذكرتيني فيها الحين
عجايز اهل زمان يالسموه لهم معتقدات خاصه فيهم
نظرتهم انه عيال بناتهم هم اقرب المقربين لهم من احفادهم الباقيين فتلقينها تحب عيال بناتها اكثر من عيال أولادها
بحكم انه هولاء عيال بناتها من دمها ولحمها مثل مايقولون وهذولاك عيال عيالها برضه تحبهم بس محبتهم مو مثل محبه عيال بناتها فهمتي لانه امهم مو بنتها
فعشان كذا تفضل وتحب عيال بناتها على عيال عيالها
طبعا الحين اختلفت هالامور ياالسموه وصار مافي فرق بالعكس والله كلهم احفادها
ومحبتهم متساويه بس اهل اول لهم معتقادات شخصيه عدة وكل زمن تعرفي يختلف

هذي المقصود فيها حسب مااذكر أيام جداتنا السابقين رحمة الله عليهم وحكاياتهم لنا واحنا صغار
انه فيه عجوزه كانت معرضه للغرق الماء شوي وبيغرقها وتعرفي كبيره عجوز وكانوا احفادها موجودين بهاللحظة اللي كانت بتغرق اللي هو ولد بنتها وولد ولدها

فقال ولد ولدها لولد بنتها كنك قوم وانقدها جدتنا بتغرق فتحجج ولد بنتها مابغى ينقذها
وقال له هذي جدتك انت قبل ماتكون جدتي تعرفين الشباب ليش يقوله مايقوم هو شباب ربي يهدي ههههه
فقام ولد ولدها وانقذ سته ام ابوه من الغرق

عاد بعد ماطلعت العجوز وانقذ حياتها ولد ولدها
وهي راجعه لقريتها سمعوا اهل قريتها بالخبر انه كانت بتغرق وكذا فاثناء عودتها سالها احد أبناء القريه عن الموقف اللي حصل لها ومن انقذها ؟؟

جابت هالابيات من راسها تعرفين العجايز حكم ودروس فقالت
امصديق بن امصديقه مالقى في ماء طريقه
وامعدو بن امعدوه تعنى تعه بقوه
المعنى انو
امصديق بن امصديقه مالقى في ماء طريقه
وهي تقصد انه ابن بنتها معذور حاول ينقذها من الغرق وماقدر ينقذها من الماء <<طلعته بعذر انه حاول ينقذها ومن الماء ماقدر ينقذها هههههه رغم انه تحجج ولا انقذها من الأساس يالسموه

وامعدو بن امعدوه تعنى تعه بقوه
اما عدوها ابن عدوتها يعني ولد ولدها اللي امه غريبه موبنتها تقصد بمعنى الكلام وليس عدو بمعنى عدو مثل ماشرحت لك بأول الرد عليك تعنى تعه بقوه معناه وش اقولك يعني شالها وسحبها من الماء بقوه وانقذها من الغرق

الاستنتاج يالسموه هني انه ولد الولد مهما سوا وعمل لن يتقدم على ولد البنت في المحبه مهما سوا وفعل

هذا اللي اعرفه وسمعتها كحكايه من وحده من العجايز رحمة الله عليها وغفر الله لها كانت تحكي لي مثل هالقصص
والله مادري اذا لها معنى ثاني نقرا ردود من اشرتي لهم معاي بالموضوع
شكرا لك على الدعوة والاشاره لي بالموضوع
والله يغطيك العافيه
ولي عوده معاكم للمتابعه لباقي الردود

هههه وش دراني سمعته من وحده من العجايز
قبل كم اسبوع لما رحت جيزان حسبته كذا صح
لاني كتبته بمفهومي وانا عندهم في مسوده
قلت ارجع اصحححه وانشلغت عنه
هههه بعدين كلام العجايز فالديره وربي نصه ما افهمه
عشان كذا قلت اسال عن معنى الكلام
شكلي جبت العيد

ابو يحيى ,أنشودة الأمل معجبون بهذا