المشاركة الأصلية كتبت بواسطة ابو طراد

طال انتظاري لمن أهواه وأوده
إلي عجز لايجيبه حظي العاثر
الصاحب اللي يشع النور من خده
من حسنه ومن جماله يسلم الكافر
والله لوصد عني ماحتمل صده
القلب مملوك له والفكر والناظر
حلفت حتى النظر لسواه مالده
اللي له أقول يافتان ياساحر
يامن سرق مني الخافق ولارده
لرضاك بوطا حياض الموت وأخاطر
لفكار بك بد خلق الله منفرده
في صورتك في هروجك حظها وافر
يا للي البشر والعواذل ماكشفت سده
اسرارنا ماعرفها الواشي الغادر
نروح لشروره لو حنا نبي جده
والواشي نحطله بيبان ومعابر
لعل من فرق الخلان بالغده
أمين ياسامعي قلها ولاتشاور
مبنى الحجر مستحيل الهادم يهده
والليل لو طال بعده نور يا ساهر
ونا قتيل الغرام وطفله وعبده
وان طال ليل العنا لابد من باكر
وأعود وارجيك ياللي تفرج الشده
تفرج هموم تهد الحيل ياقادر


***بقلمي أبو طراد ***