منتديات الحقلة - قلت للقلب تكفى عن غلا البيض توب

منتديات الحقلة (http://www.alhaqlah.com/index.php)

- منتدى الشعر (http://www.alhaqlah.com/forumdisplay.php?f=49)

- - قلت للقلب تكفى عن غلا البيض توب (http://www.alhaqlah.com/showthread.php?t=115826)

قلت للقلب تكفى عن غلا البيض توب

قلت للقلب تكفى عن غلا البيض توب
و خل عنك الهوى و أنس التعب و الغلايب

أنس قيض الهموم و سرمدي الذنوب
و السهر و الجروح الداميات العطايب

قال يابن الحلال أنا عليه مغصوب
كيف تبغاني أنبض دون حب و حبايب

و أنت تدري ماهو ب الكيف يومي أذوب
الهوى ذايبٍ فيني و أنا فيه ذايب

قلت زين الشقى ماني ل عرفه طروب
و ماني أهوى تكباد النكد و النشايب

ما تشوف التعب بين علة و الشحوب
أنت تعشق و أنا لي الشقى و الطلايب

قال شيء أنكتب لا عاد ترجي الهروب
و الصراحه ترى ماني ب كل السبايب

صح غالبك لكني تراي مغلوب
ما أقدر أقاوم الزيات شقر الذوايب

قلت يا قلب لا صادفك غروٍ لعوب
أحذر تعاشره يجلب عليك المصايب

لا تعاشر سوى ظبي عديم العيوب
ماهو من الخبول مكثرين النحايب

قال أقول أنثبر لا أعلقك ب الهبوب
ولا تخليني أحب السما و السحاايب

و أعشق الشمس لا مالت ب وقت الغروب
و أنت فكر على مهلك و شوف العجايب

قلت يا قلب ما تدري أن باقي القلوب
مستريحه من الأحزان و من التعايب

ول يا قلب م أكثر ما تحن و تلوب
أعقل و توب قبل أتصير فيك الغرايب

قال دوبي طعمت الحب و العشق دوب
و أنته اذيتني كني من الحب شايب

شوف لو قلت لك ب توب فأنا كذوب
عن هوى الغيد تبطي عضم ماني ب تايب

رد: قلت للقلب تكفى عن غلا البيض توب

كلمات وسطور رائعه
يعطيك العافيه وتسلم الأيادي المتألقه
على روعة ماخطت لنا من ابجديات وحروف ماسيه
بإنتظار روائعك القادمه بشوووق

رد: قلت للقلب تكفى عن غلا البيض توب

صح لسانك قصه راااائعه
الف شكرع النقل

رد: قلت للقلب تكفى عن غلا البيض توب

ابدعت في الاختياار

ودي

رد: قلت للقلب تكفى عن غلا البيض توب

تسلمون جميعا على المرور
شاكره لكم مروركم =)
كل كلماتي تنحني لكم احترام
لمرووركم الكريم على متصفحي المتواضع ووضع بصمتكم
ونور ردكم جلب لقلبي الفرح والسرور
شاكره لكم مرورك

لـكم مني كل التقدير والاحترام